Io non pensa que Bush conscientemente menti. Mais io pensa que ille non es un persona con un intellecto critic, ben que ille es ben educate. E isto possibilemente es ver de su personal in le Casa Blanc. Ille naivemente accipe le aviso de su avisatores. Ille recipe cata die un detaliate summario del intelligentia, e ille dice "Wow! This is great stuff!" Mais contrari a su patre, qui esseva un vice le director del CIA, ille non ha multe cognoscientia del ambiguitates in obtener le intelligentia, e que a vices le informationes es in error, o ha plure interpretationes. A ver dicer io crede que le ver cerebros de iste administration es Rowe, su advisator politic, e Richard Cheney, su vice-presidente. De facto, io crede que Cheney es le real poter post le throno qui face le decisiones importante. Bush a me semper appare confundite super le varie questiones super le politicas de su administration, como si ille ha solmente un comprehension superficial de lo que es lor base. Si ille esseva le persona qui faceva le decisiones, ille haberea un plus detaliate e spontanee comprehension de lor rationamento e poterea articular lo. Lo que ille sovente dice es tanto superficial. Io ha spectate le deliberationes del parliamento anglese in que Tony Blair responde a questiones super le politicas de su governamento (io specta c-span), e io es semper in admiration del maniera in que ille sape le detalios de cata politica de su administration e pote articular los con confidentia. Le comparation de Bush a Blair in iste respecto monstra Bush esser un novicio in administration. Le guerra in Irak es alque que ille poteva comprender, al minus initialmente. "Saddam Hussein es un mal homine. Nos debe eliminar homines mal. Tu usa le militares pro complir isto..... Mi avisatores dice que ille es mal e que ille possibilemente vole attaccar iste pais. Io les crede. Assi io debe attaccar Irak e remover Hussein del poter. Dick Cheney es de accordo con isto. Assi io va facer lo." Stan Stan Mulaik