Salute! Io pensava que vos parlava del dialectos italian in general. In respecto al dialectos lombarde, si parlate stricte io comprende multo pauc, le bergamasco minus de tote le alteres; Quando io era puer, in Libia, il era un homine qui laborava in le firma de mi patre, qui habeva le patre bergamasco e le matre egyptian : ille diceva que poteva parlar tres linguas: arabic, italian e bergamasco: le firma era le montubi- dalmine ( io crede que hodie non existe plus) e il era in illo multe bergamascos, brescianos e altere lombardos qui parlava sovente in lor dialecto estranie e guttural. Mi maestro del quinta elementar era de Clusone, ille era un grande viagiator. Per Roberto: ma es tu italian? Tu cognomine non me sembla italian. Esque tu scribe del universitate de Milan? Monte pincio es assatis proxime al lyceo scientific, e de fronte al muros del citate; iste es unaltere proba que le mundo es parve; Spoleto es un citate belle, ma anque un pauc troppo parve e, in mi opinion, isolate. Es certemente un citate tranquille, con su historia, ma si tu besonia de alique non banal o non relate al citate il deveni necessari ir a Terni o melio a Perugia. In ultra Foligno deveniva de facto plus grande e economicamente importante de Spoleto, que remane un pauc foras del principal economia umbra, con le exception del turismo. In mi opinion, le cosa plus belle de Spoleto es le ponte del turres ( medieval, ma sur un structura roman) e monteluco, completamente coperite de ilices, anque secular, assi proxime al citate e connectite a illo per le ponte dicite. In respecto al cibo, io es completamente de accordo con te; le unic defecto es le manco del uso de pisce. In compensation strangozzi e tartufi a voluntate. Salutes. Stefano Loretoni. __________________________________________________________________ Partecipa al concorso Tiscali "collegati e vinci", il primo premio e' un viaggio per 2 persone a Zanzibar! http://point.tiscali.it/numerounico/