Desde le invention del magnetophono multe personas ha facite registrationes de musica ex lor radios--sia legalmente, sia illegalmente--sin opposition o difficultates. KUSC es un station de radio in Los Angeles que transmitte trans le aer e trans le Rete. Su sito in le Rete, <http://www.kusc.org>, provide listas (playlists) del obras transmittite per le station. In omne partes del mundo, vos pote consultar iste listas, converter le tempore de Los Angeles a vostre tempore local, e facer registrationes de iste musica sin periculo. Naturalmente, KUSC non es un servicio como Napster o Gnutella. On pote facer registrationes de su musica solmente quando le station lo transmitte in vice de discargar obras individual como si illos formava parte de un bibliotheca electronic. (KUSC transmitte 24/7 [24 horas per die, septe dies per septimana].) Ma, consultante le playlists, forsan vos trovara obras que vos volera adder a su collection personal de musica classic con un minimo de difficultate. E trans KUSC vos pote facer isto gratis. Io vole notar que io solmente ha recipite KUSC trans le aer in mi appartamento. Io non lo ha audite trans le Rete, ma on me ha dicite que le qualitate de transmissiones de radio trans le Rete es multo bon. __________________________________ Do you Yahoo!? Yahoo! SiteBuilder - Free, easy-to-use web site design software http://sitebuilder.yahoo.com