Desde le invention del magnetophono multe personas ha facite registrationes de musica ex lor radios--sia legalmente, sia illegalmente--sin opposition o difficultates. KUSC es un station de radio in Los Angeles que transmitte trans le aer e trans le Rete. Su sito in le Rete, <http://www.kusc.org>, provide listas (playlists) del obras transmittite per le station. In omne partes del mundo, vos pote consultar iste listas, converter le tempore de Los Angeles a vostre tempore local, e facer registrationes de iste musica sin periculo. KUSC non es como Napster o Gnutella. Illo non es un bibliotheca electronic de musica con un menu de obras que vos pote discargar immediatemente. Vos pote facer registrationes de su musica solmente quando le station lo transmitte. Io recipe KUSC trans le aer in mi appartamento. Un vice io faceva un registration de duo horas de su musica in un audiocassette e lo inviava a Thomas Breinstrup pro introducer le a KUSC. Io nunquam ha recipite KUSC trans le Rete. Ma on me ha dicite que le qualitate transmissiones de radio trans le Rete nunc es multo bon. Si isto es ver, forsan vos volera adder a su collection de musica classic usante KUSC. Con un minimo de effortio, vos pote facer isto gratis. __________________________________ Do you Yahoo!? Yahoo! SiteBuilder - Free, easy-to-use web site design software http://sitebuilder.yahoo.com