Daniele Nicolucci (Jollino) wrote: > (...) > > Isto occurre in cata loco del mundo: pensa que in Italian on es > catholic 'per default' proque il ha le papa! E nos ha le testimones de > geova que va de casa in casa, il ha le mormones que necuno sape que > face ma sovente on les vede in le strata... > In mi vicinitate il ha un templo del mormones, e quando on lo edificeva - alcun annos retro - le missionarios mormonic multo ben vestite ambulava e missionava. Nunc on los non vide. A vices il ha un massa de autos sur le parcamento apud le templo, ma generalmente toto es vacue e juvenes joca a basketball ibi. In passate annos io era visitate de testes de Jehova, ma in le ultime annos io los non ha vidite. In Uppsala nos ha anque le Parola del vita (Verbo de vita) que in lor formas de servicio es simile al pentecostales. In alcun annos illes habeva enorme successos quanto a conversiones. Nunc illo ha recedite e se sedite (o como expressar le cosa), le leaderes deveni vetere e plus quiete. Illes collige 6000 personas a lor conferentias international pro salvar le mundo. E tunc io non ha mentionate le ecclesia protestantic svedese, le congregation catholic apud le fluvio Fyris e le moschea in le parte oriental del urbe. Illes existe omne directiones ma in le societate on los non remarca tanto... E in toto furtivemente se move alcun atheistas, sin templos! :-) Amicalmente Kjell R