Io ha cognoscite mi sposa al universitate. Io esseva un studente post-baccalaureate, e io ha laborate pro le chef de mi committee del dissertation doctoral, post que io ha complete mi instruction como un psychologo clinic. Io debe ancora compler le dissertation. Mi chef non esseva un psychologo clinical, mais un psychologo de industria e le methodologia statistic. Ille ha cooperate con alcun infirmeras in plus universitates in facer un studio de infirmeras e le instruction de infirmeras. Mi sposa esseva un facultate junior in le Schola de Infirmeras a mi universitate, e illa ha lassate su position pro facer le recerca con mi chef. Nos ha habite nostre scriptorios adjacente al un le altere. Le amor ha crescite quando nos cercava insimul le archivos del universitate pro studiar le correlationes inter marcas in differente cursos. Illa ha inseniate le infirmeria psychiatric e io esseva educate a devenir un psychologo clinic, assi nos habeva multe cosas in commun. Mais post un anno nos ha maritate nos e io ha cambiate le direction de mi carriera del psychologia clinic al statistica multivariabile e quantitative. Io ha interessate me in scriber programmas pro conducer nostre analyses, e io ha trovate isto un subjecto que me interessa multo. Mi prime filio ha cognoscite su sposa in le universitate. Mi filio secunde, qui non ha assistite al universitate, ha cognoscite su sposo a un night-club. Le amor floresce quandocunque e ubicunque le sexos cognosce le un le altere. Amorosemente, Stan Stan Mulaik