Car Harleigh Kyson Jr e alteres, Io ha tentate explanar le situation de iste obra de Macovei plure vices. Personalmente io non pote decider que facer con le manuscripto. Io non securmente sape qui nunc es responsabile pro le obras de Macovei ma probabilemente Thomas Breinstrup ha tal information. Le cosa a publicar le obras de Macovei non es tal simple que forsan Harleigh se imagina. Le copyright debe pertiner al casa mortuari de Toma Macovei. Probabilemente illo non causa difficultates pro publicar ma on debe ager con respecto a su familia e acquirer permission. Harleigh scribe 29/9: "Si nos non invia un copia de iste manuscripto a Jay, iste action esserea un guasto imperdonabile de un opportunitate pro preparar le effortios lexicographic de Macovei pro uso general in un futuro que forsan non esserea multo distante." On pote validar effortios importante in manieras differente. Personalmente io pote trovar projectos multo plus importante pro nostre movimento a executar que publicar un traduction de iste vetule encyclopedia francese. Tu Harleigh sempre refere a Jay Bowks. Io sape que Jay es un homine amabile e que ille ha demonstrate interesse. Ma proque tu sempre allude a Jay: "Ille faciet!" - Esque tu ipse non pote facer lo? Janne Jan Årmann/ Jan Armann Generalsgatan 12 E, S-903 36 UMEÅ, Sverige/Svedia +46(0)90771525, Mobil +46(0)706594934, Sommar/Estate +46(0)52521485 [log in to unmask] , [log in to unmask] Reserva [log in to unmask] , http://www.algonet.se/~armann