Ante multe tempore, Piet me inviava un copia de su dictionario admirabilissime, e a vices io lo consulta etiam nunc. Le maniera le plus efficace de preparar un version in anglese de su dictionario esserea per medio de un anglophono native que ha vivite al minus duo annos in Hollanda e qui se dedicava intensivemente al studio del hollandese durante ille tempore. Un tal persona poterea facilemente traducer le definitiones de Piet al anglese. De un maniera simile, un anglophono qui habeva studiate le svedese sub circumstantias equivalente poterea preparar multo facilemente un version in anglese del nove dictionario inter interlingua e le svedese. Secundo lo que io ha legite, iste nove dictionario anque es excellentissime, e forsan illo es le equivalente del dictionario de Piet. Io spera que un svedese qui cognosce ben le hollandese ha travaliate sur iste projecto. Si un tal persona formava parte del equipa que preparava iste dictionario, ille/illa haberea potite augmentar grandissimente le efficacia de iste projecto e anque haberea sparniate multe tempore in le production de iste dictionario. --- Si Jay vole travaliar sur le preparation de un altere dictionario inter interlingua e anglese usante le ressources lexicographic de Piet secundo su proposition original, naturalmente, io non vole discoragiar le. Ma io es convencite que nos poterea usar le talentos tremende de Jay le plus efficacemente si nos inviava a ille un bon photocopia del manuscripto de Toma Macovei. Naturalmente, io recognosce que io non ha le derecto de dictar a Jay como ille debe usar su talenteos vermente prodigiose pro le promulgation de interlingua. Solmente ille pote decider lo que ille va facer, e lo que io justo ha dicite, naturalmente, es solmente un suggestion. __________________________________ Do you Yahoo!? The New Yahoo! Shopping - with improved product search http://shopping.yahoo.com