Car amicos, Permitte me listar alcun pensatas e observationes re le intentiones a crear un dictionario interlingua-anglese con le dictionario interlingua-nederlandese como base. 1.. Qual es le objectivo de iste dictionario? Esque le intention a crear un nove IED? Si le responsa es No on nonobstante pote perciper lo como un tal obra. Un IED revidite es multo desirabile ma isto es non le via recommandabile a facer lo. 2.. Qual forma? Un dictionario imprimite traditional o un "electronic? O ambes? Il es un imagination multo commun que on p. ex. pote usar un file in MS Word pro cercar parolas per usar le function Search (Cerca). Isto es un miscomprension. Illo non functiona o illo functiona con difficultates. Dictionarios electronic require motores special pro cercar 3.. Como organisar le labor? Crear un dictionario de qualitate non es un campo pro dilletantes poco professional. Io respecta le competentia de plure interlinguistas, anque lo de Jay Bowks, ma un tal grande effortio como isto require planification detaliate per specialistas. - Io ha cognoscentia personal e "brutal" re isto post mi participation in le labor con le grande dictionario svedese-interlingua que nos nunc publicara tosto. 4.. Qui paga? On debe haber planos clar pro le vias de publicar e vender ab initio. Le mercato de dictionarios in interlingua non es grande. Per favor, non crede que io vole dissuader le bon intentiones. Io vole solmente informar de obstaculos probabile si on non es ben preparate. Io vole consiliar que on primarimente cosulta alcun specialistas de lexicographia moderne ante le comenciamento. Io ha alcun nomines de tales a recommandar. In le interim on pote studiar un solution pro interlingua a combinar le creation de plure dictionarios in un loco. Proque facer un dictionario sv-ia, un altere ge-ia, un tertie ia-en, etc. On pote albergar le construction in un singule loco como p. ex in Glossword www.glossword.info ubi ia es le base. Janne Jan Årmann/ Jan Armann Generalsgatan 12 E, S-903 36 UMEÅ, Sverige/Svedia +46(0)90771525, Mobil +46(0)706594934, Sommar/Estate +46(0)52521485 [log in to unmask] , [log in to unmask] Reserva [log in to unmask] , http://www.algonet.se/~armann