Sin dubita "ma" es le forma le plus frequente in INTERLNG. Un breve recerca in le archivos (le ultime 16 dies de octobre, 1999, 2001, e 2003) monstra le sequente cifras: ma: 96+ vices (67 pro cento) sed: 27 vices (19 pro cento) mais: 20 vices (14 pro cento) Le grammatica Gode-Blair (1951) prefereva "sed"; "ma" se trovava in un sol texto in un appendice (in un exemplo de un dialecto variante). Ma le accession in le annos 50s e 60s de multe adeptos del lingua international "occidental" ha propellite "ma" (trovate anque in occ.) in le uso general, a mi aviso. Ben que le IED ha recognoscite equalmente "mais" como un synonymo, isto nunquam ha entrate un uso large. Como Kjell mentiona, "ma" exista in le xenolexico de multe personas, e isto forni un ration practic pro acceptar lo. Amicalmente, Chris