Masturbar Se Reduce le Riscos de Cancere del Prostata Mercuridi 16/7/03 LONDON (Reuters) – Masturbation frequente, specialmente durante le annos de 20 a 30, adjuta evitar cancere del prostata plus tarde in le vita, secundo nove recerca. Scientistas australian ha monstrate que le plus que homines se masturba inter le etates de 20 e 50, le plus parve es le probabilitate que illes disveloppara le maladia que occide plus que 500.000 homines cata anno. Illes suspecta que le ejaculation frequente ha un effecto protective contra le cancere proque illo preveni le accumulation de carcinogenes periculose in le glandula. "Le plus que on clara le conductos, le plus parve es le quantitate de stoffa pro damnar le cellulas que los fodera," Graham Giles, del Consilio super Canceres de Victoria in Melbourne, diceva le revista New Scientist le mercuridi. In un examine de 1.079 patientes de canceres del prostata e 1.259 homine san, Giles e su equipa discoperiva que homines qui ejaculava plus que cinque vices per septimana durante le annos inter 20 e 30 habeva un 33 pro cento plus parve possibiliate de disveloppar un forma aggressive del maladia. Le conclusiones contradice studios previe le qual suggere que haber un varietate de partenarios o activitates sexual pote augmentar le riscos de disveloppar cancere del prostato per 40 pro cento. Ma Giles diceva que le recerca previe concentrava super coito, ma su studio se centrava super le masturbation. Infectiones causate per activitate sexual pote dar conto pro le conclusiones differente. "Homines ha multe manieras de usar lor prostatas le qual non involva feminas o altere homines," ille addeva. (ex GayMUNDO) __________________________________ Do you Yahoo!? Free Pop-Up Blocker - Get it now http://companion.yahoo.com/