Allan Kiviaho wrote:inter altere: >Un grave defecto de Esperanto es, io pensa, su >signos diacritic que causa difficultates in >telecommunication. Io e multe altere humanos non vole >luctar con fontes special. > >In textos de esperanto occurre multe litteras "j", >ISTO specialmente face Esperanto ESTHETICAMENTE fede >in mi oculos. > Io non pensa que esperanto es fede. Il es un facto que le litteras crea certe problemas, ma illes non es, secundo me fede, e le vocabulario de esperanto es illo de esperanto, ni plus ni minus belle que altere linguas. Pro me le avantage de interlingua es que illo usa un massa de vocabulario international que es immediate comprensibile o usabile a multe personas, on non debe pensar si on osa usar un parola como "redactor" o "producer" o "production" sed alque in le stilo de "produkti" o "produktado", "produktajhoj". Il es possibile que le immediate comprensibilitate non es un tanto grande medio de promotion que nos usatores de interlingua pensa. Bon, il ha un libere mercato de linguas international, e lassa nos vider que functiona lo optime. Pro me personalmente interlingua ha un optime functionamento, nam illo es non solo un explication del vocabulario international, lo que me ha adjuvate non solo in interlingua ma anque pro maestrar anglese a un certe grado. Si esperanto pote facer le labor, tanto melior. Mi experientia personal tamen ha facite me usar mi tempore pro interlingua. Pro me interlingua dona plus de satisfaction intellectual que esperanto, ma me non del toto interessa un discussion del typo si esperanto es fede o no, si illo functiona es plus interessante a me. Io prefere un fede lingua que ha un function pro me ante un belle lingua que non functiona ben. Prende le latino classic, que es belle in un senso, ma qual function ha illo, in le senso mal o bon function - pro me? Nos debe laborar pro usar un sorta de interlingua, maximalmente unificate, pro assi facilitar le uso practic e comprension de illo. Le facto que multes apprende interlingua per varie medios lo rende comprensibile que illo a vices appari in varie formas. Si nos usa interlingua in communication, illo devenira sempre plus unificate. INdicatores del juste via es le IED e le grammatica de Gode e Blair, secundo mi humile opinion. Kjell R