----- Original Message ----- From: "salivanto" <[log in to unmask]> To: <[log in to unmask]> Sent: Thursday, November 20, 2003 1:30 AM Subject: [INTERLNG] 'saepe' e 'eventualmente' (era : 'eventualmente' & 'saepe') > [Erik:] (un nomine ex un altere lingua planate) Attention al vikinges! > > Dunque, a causa del mesme argumentos, io ha > > decidite usar le parola mox in vice de tosto. > > Io comprende que tu burla, pro rider de mi uso > de "saepe." Si io non comprende ben, dice lo > a me, si te place. [Erik] Si, il vermente esseva un burla e io es felice que tu concipeva isto e non esseva offendite o vexate. Mi intention esseva accentuar le necessitate scriber in un maniera que tante personas como possibile pote comprender. E io non crede que multe personas comprende "saepe" e "mox" pois que iste parolas non ha essite usate ni in libros ni internet. Pois que il ha altere parolas que es usate multo sovente un lector naturalmente crede que iste parolas debe haber un signification totalmente inexpectate e debe vader al planca de libros e cercar in IED o dictionarios latin. Naturalmente le uso de un vocabulario extendite es bon e io non vole impedir le uso de parolas insolite. Ma io habeva le impression que tu desirava que nos omnes comenciava usar "saepe" in vice de "sovente" e que tu opinava que isto esseva un parola plus correcte. Per consequente io credeva que tu esseva uno de plure reformatores dilettante que nos ha vidite in iste foro. Un avantage con tu lettera nunc persiste. Io, e sperabilemente multe altere personas, qui non ha studiate latino nunc ha apprendite le signification del parola "saepe" que regrettabilemente, con su vocales duple, non me pare esser un parola caracteristic pro interlingua e io non crede que io lo usara. Nunc io debe leger lo que Stan Mulaik ha scribite hodie re "Parolas in [ ] in le IED" e sperabilemente io habera tempore pro leger su longe articulo in Confluentes al qual ille refere. Salutes amical, Erik Enfors Vallåkergat.25 SE-432 37 VARBERG Svedia Tel: +46 (0)340-875 45 e-post: [log in to unmask]