d[040326] x[Kiviaho Allan] z[KivA-43Pia INTERLNG] r[CleP SchG WimP] s[Re: Viruses] [log in to unmask] ------------------------------------------------------------- Cleij Piet 040325: Hodie mi filio Vincent, qui es experto de informatica e de computatores, me ha inviate un message importante super viruses. Il me pare que su informationes ... pote esser utile anque pro altere personas. -------------------------------------------------------x----- Car virologos, Io ha essite duo dies in Tallinn, Estonia. Hodie io recipeva tres viruses, duo xW3x2.Netsxky.Bx's (le x's son addite per me) e un incognite. Nulle problema, io ha un actualisate version del scannator Norton Antivirus de Symantec (que domina in le mundo le mercato antiviral) que poneva le messages in quarantena. Proque io non usa MS Outlook sed un bastante vetule version del Netscape como programma de ePosta e tracta omne messages in modo del DOS, io es quasi 100 % immune contra le viruses ... io crede e spera. ------------------------------------------------------------- Schmid Georg 040325: Plus tosto o tarde nos debe apprender le utilisation de systemas alternative, como le systema Linux, que es certemente plus robuste in re del viruses. -------------------------------------------------------x----- Grüssgott, Georg! Il nos place haber active germanos in nostre movimento. Heh, como cognite, le Linux era developpate per un juvene studente finlandese, Linus Torvalds. Io ha travaliate como administrator de systemas de un servicio de computatores in Suissa in 1983-1985 ubi nos (un filial suisse de un grande firma finlandese) usava computatores del Data General con systema operative AOS ("Advanced Operation System") que era un dialecto del Unix. Plus tarde, ca. 1994-1997 io travaliava con le servitor IBM RS6000 con AIS - le dialecto del IBM de Unix, post isto nos cambiava al Microsoft NT. Etiam si io habeva experientia de alicun annos con Unix, io non deveniva un grande specialista de iste systema. Sed io habeva un collega que era multo enthusiastic de Linux. Quando io iva in pension in novembre 2000 iste collega mie donava me un pacchetto SuSE Linux 7.0 Personal - que io non ha installate. Linux non era permittite in nostre firma, un grande casa del pressa, sed mi collega usava lo in varie usos auxiliar e con illo ille poteva facer miraculos quando ille preparava nove computatores a nostre rete. Io pensa que io non ha tempore a usar luctante con tal systema. Sed hodie io legeva que Hewlett Packard, le plus grande fabricante del computatores personal del mundo, va installar etiam Linux como alternativo in su computatores. China usa Linux e nomina le "Linux del bandiera rubie". Europa deberea devenir independente del Statos Unite e del paises asiatic in re le computatores. Un Linux europee, le "Linux del bandiera blau", esserea forsan un bon solution ... - - - Omne interlinguistas, ha un bon die sin nimis multe viruses! Allan Kiviaho ============================================= Kiviaho Allan SILY - Suomen Interlinguayhdistys ry. FILF - Föreningen för Interlingua i Finland AFIL - Association Finlandese pro Interlingua Kivimäentie 16 E. FI-01620 VANTAA. Finlandia http://www.interlingua.fi http://www.interlingua.dk/historia http://www.interlingua.com Tel. + 358 - (0)9 - 898 720 GSM + 358 - 050 - 3433 338 (Allan Kiviaho) GSM + 358 - 050 - 3616 759 (Brita-Lisa K.) - - - - - - - - - - - - - - - - - - - - - - - ePosta - Sähköposti - eMail, clicca: http://www.interlingua.fi/kiva.htm ============================================= P.S. Nunc veniva duo nove viruses xW32.Nextsby.B (le "x"'s son addite per me) ab [log in to unmask] (io non cognosce iste adresse). Allan