Io ha un interesse recente in le Evangelio de Thomas que esseva scribite approximemente al mesme tempore como le prime evangelio in le Nove Testamento, de Marco inter 50 e 140 c.e. Le Gospel de Thomas esseva excludite del Biblia per le Consilio de Nicea. Mais illo ha habite un grande numero de adherentes in le prime 200 annos de Christianitate. Illo consiste de solmente le dictas de Jesus. Un copia in greco esseva discoperite in Egypto in le 1890s. Le altere in coptico esseva discoperite in 1945 in un jarra de 50 manuscriptos interrate a Nag Hammadi in Egypto. Io va traducer un poco aqui: "Istes es le dictos secrete que le Jesus vivente ha dicite e que Didymos Judas Thomas ha registrate: 1. E ille ha dicite: "Quicunque discoperi le interpretation de iste dictos non va gustar le morte. 2. Jesus ha dicite: "Illes qui cerca non debe stoppar in cercar fin a que illes trova. Quando illes trova, illes essera inquietate. Quando illes es inquietate, illes va meraviliar, e va regnar super toto. [E post que illes ha regnate, illes va restar.] 3. Jesus ha dicite: "Si vostre gerentes dice a vos, "Ecce! Le Regno del Patre es in le celo,' alora le aves de celo va preceder vos. Si illes dice a vos, 'Illo es in le mar," alora le pisces va preceder vos. Plus tosto le regno es de intro vos e illo es foras de vos. Quando tu cognosce vos mesme, alora vos essera cognoscite, e vos va comprender que vos es le filios del Patre vivente. Mais si vos non cognosce vos mesme, alora vos va viver in poveressa, e vos es le poveressa." 25. Jesus ha dicite: "Ama vostre amicos como vostre proprie anima, protege les como le pupilla de vostre oculo." 53. Su discipulos ha dicite a ille: "Es le circumcision utile o non?" Ille ha dicite a illes: "Si illo esseva utile, lor patre haberea producite infantes jam circumcisate de lor matre. Plus tosto, le ver circumcision in spirito ha devenite le ganio in tote respecto." 113. Su discipulos ha dicite a ille: "Quando va venir le Regno?" "Illo non va venir per vigilar pro illo. Il non essera dicite "Ecce aqui! o "Ecce la!" Plus tosto, le Regno del Patre es extendite super tote le terra, e le gentes non lo vide." Salute! Stan Mulaik