Secundo le Radio National de Svedia un juvene al etate de 16 annos ha essite arrestate per le policia in le urbe Malmö sur le svedese latere del stricto Öresund, vis-ā-vis Copenhagen sur le danese latere. Le juveno era jam reportate al policia le autumno passate pro haber expressate menatias contra su vetere schola e instructores in un gruppo de discussion sur le internet. Le inquesta era tamen non continuate. Al presente le juveno era de novo apprendite per le policia in contexto de un confession de un junior camarada qui narrava al policia que le juveno habeva planate placear un bomba in le vetere schola e tirar a morte alcun de su ancian instructores. Su planos del juveno tamen nunquam poteva esser realisate e le inquesta del policia continua. Inspiration al acto era le homicidios a Colubine Highschool ante alcun annos e forsan - isto es mi supposition - le film que on faceva sur le base de ille occurrentias. Kjell R