Javi, Rodrigo e tote le amicos espaniol, vole ben acceptar mi parve contribution a Interlingua Espania Romance del luna, luna Le luna veniva al officina con su sella de nardos. Le puero la specta, la specta. Le puero la es spectante. In le aere emovite le luna move su bracios e monstra, lubric e pur, su sinos de stanno dur. Fuge luna, luna, luna. Si venirea le gitanos, facerea con tu corde collares e anellos blanc. Puero, lassa me ballar. Quando venira le gitanos, te trovara sur le incude con le oculettos serrate. Fuge luna, luna, luna que io jam senti lor cavallos. Puero, lassa me, non calca mi blancor amidate. Le cavallero se approximava sonante le tambur del plano. In le officina le puero tene le oculos serrate. Per le olivari veniva, bronzo e sonio, le gitanos. Le capites levate e le oculos semiaperte. Como canta le uluco, ah, como canta sur le arbore! In le celo vade le luna con un puero al mano. In le officina plora, critantes, le gitanos. Le vento la velia, velia. Le vento la es veliante. (Ab "Romancero gitano", per Federico Garcia Lorca traduction in Interlingua per Roberto Capuzzo "robocap") ----- Original Message ----- From: Javi López To: [log in to unmask] Sent: Thursday, June 17, 2004 7:34 PM Subject: [INTERLNG] Appello pro le creation de un Societate Espaniol (o Iberic) de Interlingua Ave interlinguistas: Iste e-mail es un appello a le interlinguistas espaniol e mesmo portuguese pro le creation de un Societate pro le promotion de interlingua e iste pais(es). Io sape que il existe un parve gruppo de interlinguistas espaniol, e anque sape que il ha alcun interlinguista portuguese, dunque io pensa que il existe possibilitates real pro crear un gruppo, pro isto io face vos un petition pro contactar con me si vos es interessate, in iste addresa: [log in to unmask] Le objetivos in un prime phase non pote esser multe ambitiose proque nos es pauc gente e le idea esserea alco simile, per exemplo, al societate italian: un web e crear material in espaniol, inter alteres. Io espera vostre resposas, a revider Javi Bazar para tu móvil: polis, tonos, videojuegos, animaciones... Encuentra otros servicios de última generación aquí.