Car amicos de interlingua! Io con qualque amicos ha decidite revivificar le chat de interlingua, que es in le momento morite. Nos ha convenite in datos definite, proque io pensa, que solmente assi pote esser assecurate, que alicuno potera trovar un altere in le chat in omne casos. Le chat anterior es morite justo pro illo secundo me, que nos non ha habite un dato, o datos conventionate, e le homines poteva esser trovabile solo occasionalmente, o non del toto (proque nemo sapeva re le altere, quando ille/illa pote chattar, etc.). Nos pensa, que ante que acceptar le propositiones additional, nos debe probar datos, le quales sembla esser bon pro le majoritate. Plures ex nos opina, que un die al fin del septimana serea le plus bon, post le hora 20 GMT (tempore de Greenwich), dunque 21 h secundo le tempore medie-europee (CET), proque talmente pote anque le americanos participar. Un altere pensa, que nos deberea determinar un die anque in le medie del septimana, in le "septimana de labor". Assi io pote informar vos, que: DEMAN, LE 8 DE SEPTEMBRE, MERCURIDI LE CHAT DE INTERLINGUA ESSERA RECOMENCIATE, DEL HORA 20 (GMT) , I.E. 21 (CET). Per favor regular vostre cosas assi, que vos potera participar si multe, como possibile ex Europa, e America, o qualcunque parte del mundo! LE SEQUENTE DATO PRO LE CHAT ESSERA SABBATO (11 DE SEPTEMBRE) DEL MESME HORA. Le accesso al chat ha differente manieras, ma totos es multo simple /1) o 2) o 3)/: 1) Vade al sito official de interlingua http://www.interlingua.com (le ligamin immediate es: http://www.in terlingua.com/practica.htm#irc ), e solmente seque le instructiones. O 2) a) Vade al sito: http://www.discussioni.org/cgi/irc.cgi , b) scribe in le quadretto "nickname" tu proprie pseudonymo in vice del nomine apparente, c) substitue le nomine del camera, le qual appare automaticamente in le quadretto "channel" al #interlingua (per favor non oblidar le signo #), e d) postea solmente clicca al button "Login"! E tu post momentos trovara te in le camera del chat de interlingua! O 3) a) Usa un cliente de IRC (p. ex. le programma mIRC, etc.), b) selige le server irc.discussioni.org (del lista - "Discussioni" a me, o per ordine de irc: /server irc.discussioni.org ') c) selige le camera de interlingua, i. e. : interlingua , o #interlingua (o per un ordine de IRC: /join #interlingua. Dunque atte ntion: le chat de interlingua sera revivificate, si multe interlinguistas veni ibi! Vamos nos incontrar in le camera #interlingua del servitor Discussioni deman, mercuridi, post le hora 20 GMT, respectivemente 21 CET! Petro Kova'cs