Il giorno 21 set 2004, alle 12:18, Peter Kovacs ha scritto: > Isto non es ver. Un amico mie ha me scripte, que ille usa le systema > operative Linux sur un computator Mac. E ille non pote applicar Skype, > proque illo es discargabile solmente pro altere combinationes, non pro > illo de mi amico. Que Mac ha tu amico? Si illo es bastante recente (un G3 o superior), proque ille non usa MacOS X? Quando su it.comp.macintosh on demanda "qual es le melior distribution Linux pro mi Mac?", nos sempre responde: proque tu vole usar Linux si tu pote usar MacOS X, que *es* un systema Unix? Si io aperi un terminal e io da le commando 'uname -a', io recipe isto: Darwin innocence.local 7.5.0 Darwin Kernel Version 7.5.0: Thu Aug 5 19:26:16 PDT 2004; root:xnu/xnu-517.7.21.obj~3/RELEASE_PPC Power Macintosh powerpc Darwin es le systema Unix opensource de Apple (que anque existe per PC x86!), e illo es derivate ex FreeBSD, tu amico linuxista securmente cognosce. Macs es perfecte proque Apple face le hardware e le systema operative. Assi, le software ha un controllo complete del hardware. Al contrario, Windows debe supportar un numero infinite de combinationes de hardware, e isto - unite al facto que illo non es facite con multe attention... - sovente da problemas quasi impossibile a resolver. De facto, le motto de Windowsistas es: un vice per anno, formatta tu hard disk e installa Windows de nove. Isto non me pare normal. :) Linux pro x86, in vice, como tote le systemas Unix, es facite in maniera melior, e si un parte del hardware da problemas, o si un software 'crasha', isto non face morir tote le systema operative. In general, Unix ha plus 'stratos', que permitte un melior securitate in caso de problemas. Certemente isto serea possibile a facer anque con Linux pro Mac, ma quando Linux initiava su diffusion de massa le usatores Mac jam diminueva. Assi il ha pauc distributiones, e on semper va haber alicun problemas (micre o gigantic). Mi consilio es que tu amico usa MacOS X, que es un systema fantastic. Si su Mac non es troppo vetule, ille lo trovava insimul al computator. Nota que le version 'major' actual de MacOS X es 10.3, nomine in codice "Panther". Le versiones precedente (10.2 "Jaguar", 10.1 "Puma" e 10.0 "Cheetah") era plus lente. OS X deveni sempre plus rapide con nove versiones sul mesme computator, al contrario de Windows... :) Le nove version 10.4 "Tiger", que jam era presentate e que va esser vendite in le prime menses del 2005, sera ancora plus rapide e interessante. Illo anque habera un systema de indexamento in tempore real appellate Spotlight. On potera decir "trova tote le documentos facite con le application Subethaedit inter le 2 de mayo e le 30 de junio 2003 que parla super interlingua", e illo mostrara un lista in un momento. Le cosa plus interessante es que Micro$oft voleva introducer un cosa simil in su nove version de Windows, "Longhorn", ma illo debeva eliminar lo a fin que iste nove version potera esser vendite in... 2006! Tu pote mostrar isto a tu amico Linuxista: http://www.apple.com/macosx/ . In particular, il ha un section "New features" que mostra le nove possibilitates de Panther; il ha anque un subsection pro le novas que pote esser multo interessante pro usatores de programmas opensource e de systemas Unix (http://www.apple.com/macosx/newfeatures/opensourceandunix.html). Al adresse http://www.apple.com/macosx/tiger/, in vice, on pote vider un anteprima del proxime systema Tiger. Hmm, io scribeva troppo. Perdono! :) Daniele -- Daniele Nicolucci (Jollino) Photo portfolio: http://www.nicolucci.net