De facto, Kjell, io trova le condemnation de Gren un attacco chocante super, non solo le liberate del religion, ma plus generalmente le libertate de parola. Durante mi juvenitate in annos 70s, on applicava un dicto a expressiones stupide e offensive: "Totevia, il es un pais libere!" Quando le chef del partito nazi canadian se candidatava pro le mayorato de mi urbe, on lo ridiculava simplemente (ben que on gustava equalmente le disconforto spectacular del altere candidatos al Incontro de Omne Candidatos). E quando ille recipeva le resultato expectate -- 0,1 per cento del ballottas -- io me gaudeva del bon senso commun de mi co-urbanos. Hodie toto es cambiate: le stato subjice personas a punition solmente perque illes exprime o piniones impopular. In Canada, nos non jam es tanto avantiate que le svedeses; nonobstante, on ha imponite un mulcto super uno qui publicava citationes anti-homosexual del Biblio. Durante que tu, Kjell -- a mi grande suprisa -- pare approbar iste disveloppamento, forsan tu pote acclarar me le exacte limites de iste modo de censura ideologic. - Exemplo: Susan Sontag, le intellectual statounitese, recentemente morite, characterisava olim le racia blanc como "un cancere". Esque on debeva imprisionar la? O esque un mer mulcto habeva sufficerea? - Exemplo: Theo van Gogh, le provocator nederlandese soleva appellar muslimes "futue-capras". Esque on pote dicer que su assassination per un extremista muslim era plus tosto un caso de punition *excessive*, e non un attacco super valores fundamental de nostre civilisation? Nos nos accorda, nonne, que parolas offensive merita punition, ma non le pu nition capital -- mulctos o imprisionamento, per favor! (Naturalmente, on deplora le aspecto vigilantista del cosa: il es le stato que debeva imponer omne punition.) Exiente le modo ironista, io debe constatar que ambe istes ha facite contributiones valorose al lucta de ideas in nostre societates (specialmente Sontag, ma anque van Gogh, ben que ille era un homine multo disgustose e odiose de mi opinion). Il es anque mi opinion que le luctas del ecclesias christian super le thema de sexualitate es un debatto importante in le cultura actual, e le stato debe non resolver lo per supprimer le un o le altere latere. Ma si on non isto vale, on debe haber le derecto de exprimer le proprie opiniones, sage o stupide, offensive o ingratiante . Totevia, nos habita paises libere! Amicalmente, Chris P.S. A basta le hobbit-troglydites de Flores! Oops, a qual prision debe io presentar me F