Estimate membros del lista! Io vos peteva reager super le tote discussion con senior Septe Centos Septanta Septe Milles Septe Centos Septanta Septe. Si vos reagerea al tote discussion (io nam peteva isto), alora vos certemente non omitterea le thema del inseniamento de interlingua in Svedia, que io applicava como argumento super le usabilitate, utilitate de interlingua. Nunc io pete vostre adjuta, car membros svedese; pro explicar le causa real, que illo cessava; proque io sape quasi nihil super iste cosa, e sin saper isto io non pote plus argumentar al reactiones de “77...”, (qui pote anque solo supponer cosas, como io mesme). Dunque io nunc recita le partes concernente a reager a parte (sperante de plus, que vos reage etiam le tote discussion; gratias le reactiones usque nunc de Kjell Rehnström e José Emerson G. Costa, e Thomas Alexander, qui me scribeva privatemente). Ecce dunque le partes concernente: >[Io]: Imagina, in le gymnasios svedese le „vocabulario international” es un disciplina obligatori, le qual esseva arrangiate durante un periodo per le interlingua! In nostre dies iste carga esseva reprendite del latino, le qual non es le plus efficace considerante le scopo: nam le scopo es non inseniar un grammatica difficile, ma solmente le vocabulario international, le qual se trova anque in interlingua al mesme grado, e iste lingua es totevia justo tanto neutral, como le latino >>[777 777]: Le svedeses percipeva, que isto [i.e. le interlingua] es un [secundo le construction hungare de slang:] un cappello (plen) de merda, usabile a nihil. >>[777 777]: Que poteva esser le motivationes del svedeses, quando illes faceva iste decision [i.e.: cessar le inseniamento de interlingua in le disciplina “vocabulario international” in scholas svedese – P.K.]? Supponibilemente un homine moderate appareva inter illes, qui videva, que isto [i.e. le interlingua – P.K.] es un merda, ex le qual non pote construer castello (fortalessa) secundo le sententia. Dunque io vos demanda, que esseva le causa, que le inseniamento de interlingua in Svedia cessava in le scholas officialmente? Esque illo esseva inseniate officialmente in omne le scholas (gymnasios, forsan) del pais? Qui decideva, que le derecto del disciplina “vocabulario international” in scholas svedese esseva reprendite per le latino, que completava iste rolo anque ante le interlingua? Esque iste decision esseva prendite per un sol homine (como “777...” suggere), o per un certe gruppo de interesses? A revider in le chat hodie (vide detalios in un de mi ultime litteras al lista)! KOVÁCS Péter