On Thu, 21 Apr 2005 21:12:35 -0400, Thomas Leigh <[log in to unmask]> wrote: >Esque il ha qualcunque regulas super le pronunciation del littera G? >Legente interlingua, io semper habeva "mentalmente pronunciate" >interlingua plus o minus similar al italiano, ma nunc io vide que de >facto interlingua non seque le regulas del linguas romance, e io es >bastante confundite. Como io pote saper ubi G ha le sono "dur" (como >ante A, O, U) ante E e I, e ubi G sona como J? Secundo le Grammatica original, sempre como in le anglese "get, gift" si nulle altere pronunciation es indicate in le Dictionario. Ma alcunos usa le g "italian" ante E e I sin causar miscomprehension. Io ha legite que in Europa del Nord, in pronunciar parolas _latin_, le pronunciation commun por le combination "ge, gi" es "dur" como in interlingua. > >Como on pronuncia le parola "ecce"? como "EK-tse" o "EK-se". > >Como on pronuncia le litteras SC ante E e I? (Io spera que interlingua >ha apprendite le lection de esperanto e non expecta "sts", super toto in >le initio de un parola!) Ante E o I, on es permittite pronunciar c como s. Dunque io personalmente dice "cognoSer", "Sientific" etc. pro evitar "sts", ma io dice "ts" ante E o I in altere locos. >In phrases como "the door opened", "how is that done", etc., esque on >pote facer phrases intransitive con le pronomine "se"? Esque io pote >dicer "le porta se aperiva", "como se face illo"? Si. Vide le Gramma tica: http://members.optus.net/~ado_hall/interlingua/gi/parts_of_speech/pronoun.html#68 >Pro le numero 9, io vide e "nove" e "novem". Qual es correcte, o >preferite? "Novem" es preferite per multe scriptores. Isto es un del parolas non trovate in le IED que ora es multo commun (cf. casa, comprar, estranier). >Como on traduce in interlingua le parola anglese "take" in le senso de >exiger o durar un quantitate del tempo, e.g. "the flight takes two >hours" o "it took me 30 minutes to write this email"? Como Jasef ha monstrate, le verbo "durar" esserea usate hic. Salutes de Brooklyn, New York! Jeff