Uno o duo vices per mense, io crea le contesta semenal de trivia pro un bar in mi vicinitate. Le

bar es appellate The Night Cafe (como le pictura per Van Gogh), e su maestro, mi amico Brian

Flanagan, es un ex-champion del television quiz show Jeopardy (ubi ille ha ganiate US $23,001)

e alsi un ex-membro del Weather Underground, un gruppo que ha respondate al crimines de

guerra statunitese in Vietnam per sabotar facilitates governmental statounitese con bombas

(incluinte le Pentagon e le Capitol). Le 2003 film documentari "The Weather Underground,"

nominate pro un Oscar in 2004, conclude con un scena de Brian e Alex Trebek in un show

de Jeopardy.

 

In le contesta semenal de trivia, on pote gania vino e birra pro responsas correcte. Il ha duo

rondas (partes) de 18 rogationes, pro un total de 36 rogationes. Le 11 de septembre, io

presentava (io pensa!) le prime contesta de trivia in un bar in le historia del mundo con un

ronda completemente in interlingua. In le prime categoria del ronda, io ha date 9 quotationes

de Shakespeare (traducite a interlingua); pro cata quotation, on necessita responder con le

nomine del character qui ha dicite lo. In le secunde categoria, on necessita dar le nomine del

director del film cuje titulo es traducite a interlingua. Le rogationes seque; le responsas sera in

mi proxime e-posta.

 

Trivialmente,

-Julio

 

SHAKESPEARE IN INTERLINGUA

[da le nomine del character qui ha dicite lo]

 

1) Esser, o non esser

2) O brave nove mundo

3) Mi regno pro un cavallo

4) Ille pensa troppo. Tal homines son periculose.

5) Un rosa per alcun altere nomine olerea tan dulce.

6) Non ha un judeo oculos?

7) Exi, damnate macula!

8) Vos omne ha vidite como in le Lupercalia io tres vices le ha presentate un corona regal, le

cual ille ha tres vices refusate. Era iste le ambition?

9) Un pestilentia a ambe vostre casas!

 

 

CINEMA IN INTERLINGUA

(da le nomine del director del film)

 

10) Duo Mille e Uno

11) Il es un Vita Maraviliose

12) Le Duo Torres

13) Leva le Moneta e Corre

14) Nascentia de un Nation

15) Alcunos le Gusta Calide

16) Fenestre Posterior

17) Un Rege in Nove York

18) Sellas Flagrante