Quando le hurrican ha frappate New Orleans e Biloxi, Mississippi, e ha movite in le interior, illo esseva tanto grande que su nubes e tempestas (minus forte) ha extendite 300 milas a nos in Atlanta. Nos recipeva multe pluvia, e alcun del tempestas ha producite tornados que ha destruite plure casas. Mais le destruction aqui es minimal relative al devastation de New Orleans e Biloxi. Le governamento federal ha essite multo lente in responder. Il non esseva sin anticipation, proque il habeva plure dies ante que le hurrican ha attingite le costa, e nos sapeva 4 dies in avantia que illo esseva de categoria V o IV (que es le plus grande). Pro isto le truppas debeva esser situate in le vicinitate pro mover in post le tempesta ha passate pro provider adjuta e securitate. New Orleans esseva construite sub le nivello del mar e del riviera Mississippi que passa per illo. Al nord del citate es un laco, Laco Ponchetrain de aqua fresc que se eleva quando il ha multe pluvia o aquas del affluxo del mar de un hurrican. Il ha dicas pro proteger New Orleans del laco e del riviera. Le riviera in realitate es a un nivello plus alte que le solo del citate. In multe respectos New Orleans es similar al Nederlandia. Le hurrican ha passate al derecta de New Orleans al ultime momento e ha cargate a in Biloxi con un affluxo de circa 8.79 metros que ha destruite a pilas de ligno, bricas e rumpite arbores le belle casas al costa e in le citate. Initialmente le cititanos de New Orleans ha pensate que le hurrican ha sparniate les le destruction de su ventas potente. Mais illo ha impellite le aquas del laco Ponchetrain al nord, e quando le hurrican ha passate plus longitan al nord e le ventas ha subsidite, le aquas ha retornate se al sud in un affluxo, e ha passate per un canal a in le citate que esseva protecte per un dica. Le dica esseva sub construction pro facer lo plus alte, mais le governamento federal, que ha financiate le projecto ha eliminate le fundos in le budgets recente pro economizar a causa del guerra in Irak. Il habeva un section del dica de circa 60 metros que non esseva complete, e le aquas del affluxo ha affluxate se per iste section e ha erodite le dica de solo e ha fluite a in le citate. Assi le aquas del laco ora flue in le citate, plenante lo, e coperiente le casas de milles. Ben que circa 500,000+ personas ha quitate le citate ante le hurrican, il ancora habeva essite alcun 300,000 que ha remanite, incapace de quitar, malade, povre, touristas sin transportation foras del citate. Circa 20,000 ha cercate le securitate del inundation durante le hurrican in le arena de sport, le Superdomo. E le inundation ha trappate les in illo, sin multe aqua o nutrimento. On pensa que centos si non milles ha essite trappate in lor casas, e on anticipate le trovata de lor corpores in lor mansardos, ubi illes ha cercate le refugio mais ha trovate lor mortes proque illes non poteva escapar lor mansardos. Alcunos ja ha escappate, mais ha essite trappate al tectos de lor casas sin nutrimento o aqua depost 4 dies. Le governamento ha initiate movimento de individuos in le Superdomo a un arena similar in Houston, Texas, 6 horas de New Orleans. Mais le movimento es lente. Un altere location in le citate, le Centro de Reuniones ha collectionate plure milles personas, mais le governamento habeva oblidate les, e illes es sin aqua o nutrimento, con personas morte in lor medio. Milles de personas es trappate in New Orleans sin nutrimento o aqua. Le inundation del ruptura de un dica ha inviate aquas periculose con chimicos toxic e maladias del industrias e le cloacas del citate. Quasi 80% del citate es sub le inundation. Le ordine es que tote le habitantes debe quitar le citate. Mais multe milles es sin transportation o trappate per le inundation. E solmente alcun pauc autobuses ha essite inviate pro mover le population a altere partes. Un crito de indignation se cresce.... Hodie le Presidente Bush ha finalmente volate a Biloxi e New Orleans pro vider le destruction personalmente. Io non pensa que ille realmente sapeva le severitate del devastation, e su subordinatos ha non reagite in un maniera tanto proactive pro tractar le problemas. Aqui in Atlanta le sol problema esseva que le precio del gasolina ha levate se de $2,34 a $3,45 in un septimana. Isto esseva le resultato del facto que le pumpas pro le gasoductos e oleoductos es locate a New Orleans e non ora functiona. Le pumpas ha necessitate del electricitate que ora manca. Le oleo es portate a New Orleans, raffinate, e le productos inviate per le ductos a altere partes del pais, Atlanta essente un de istos. Felicemente nos ha apprendite hodie que le companias de oleo ha restaurate alcun del electricitate al pumpas a lor raffinerias e alcun movimento de productos de oleo ha recomenciate. Mais iste problema hodie es minor in comparation del problemas del gentes in Biloxi e New Orleans. Multe americanos ha jam inviate multe milliones de dollares al Red Cross (Cruce Rubie) pro adjutar le gentes in le region devastate. Multe moneta essera de necessitate. Vive de Atlanta, Stan Mulaik =====================================================Pro disabonar te del lista, invia un message a [log in to unmask] con le texto: UNSUBSCRIBE INTERLNG o visita le sito del lista: http://maelstrom.stjohns.edu/archives/interlng.html =====================================================Visita le sito official del Union Mundial pro Interlingua: http://www.interlingua.com/ =====================================================