Il non es que le Statos Unite mancava de fortias e medios pro salvar le gentes de New Orleans. Lo que illo mancava de esseva le competentia de su dirigentes in diriger le fortias. Le director de FEMA le agentia federal pro le direction del effortios pro responder al emergentia habeva tote su fortias in loco ante le hurrican ha arrivate, mais ille non habeva bon recognoscentia (que cata commandante sape es necesse pro conducer effective application del fortias). Ille equalmente esseva preoccupate con le structura de commanda e se ingagia in un debatto con le governatrice de Louisiana super si o non ille poteva haber commanda al nivello federal del guarda national de Louisiana. Illa non lo voleva, que esseva su derecto. Assi, in loco de acceptar iste situation, le director de FEMA reteneva su fortias durante que le debatto ha continuate. In le interim centos possibilemente milles ha morite. Il esseva totemente possibile pro inviar le marina de guerra con lor helicopteros e barcas de salvamento. Il esseva possibile inviar le fortias del armea federal con lor helicopteros e truppas pro cercar le gentes qui habeva necessitate del salvamento. Il esseva possibile appellar al companias de autobuses a inviar los a New Orleans pro prender le gentes via a sitos de securitate. Solmente post le crita de indignation del burgomaestro de New Orleans 4 dies post le hurrican habeva le FEMA mandate le lineas aeree a inviar aeroplanos a New Orleans pro prender gentes a altere sitos. Le director de FEMA non sapeva como a manear un grande 'armea' pro responder a un disastro. Ille voleva tote su fortias in loco justo assi, mais ille non sapeva quando il esseva necesse a usar los. E ille non voleva alteros a functionar independente de su commanda. Il esserea melior si le director ha essite un general militar o un persona experientiate pro multe annos in diriger fortias in tractar disastros natural. Presidente Bush es responsabile pro dar iste position a iste persona. Bush mesme es un presidente incompetente, qui es totemente dependente super su avisores. Ille non vole dimitter personas qui es incompetente o qui ha facite errores seriose. Ille non sape como a selectionar bon dirigentes pro positiones de importantia major. Pro isto ille va pagar le precio. E le populo american equalmente va pagar le precio. Stan Mulaik =====================================================Pro disabonar te del lista, invia un message a [log in to unmask] con le texto: UNSUBSCRIBE INTERLNG o visita le sito del lista: http://maelstrom.stjohns.edu/archives/interlng.html =====================================================Visita le sito official del Union Mundial pro Interlingua: http://www.interlingua.com/ =====================================================