On Fri, 7 Oct 2005 09:34:02 -0700, d gasper <[log in to unmask]> wrote: >Car Peter, > >Io dubita le veracitate de iste statistica: > >Io non crede que 30% del population britannic >maestrisa un lingua estranier. Esque tu apprecia le proportion minus? >E io suspecta que le procentage de hungaros bilingue o >multilingue es plus alte. Il depende de que nos tene a esser bilinguismo o multilinguismo. Secundo le plus moderne conception del linguistica applicate bilingue o multilingue es qualcunque persona, qui jammais ha apprendite ulle lingua estranie durante su vita (mesmo non memorante ulle parola ex illo activemente, habente lo solmente in su "vocabulario passive"). Ma in general un bilinguo (? - un homine bilingue) o un multilinguo (? - homine multilingue) pote esser un persona, qui usa regularmente e systematicamente duo (o plure) linguas in su vita quotidian, applicante duo (o plure) linguas in le differente terrenos del vita, dunque in differente situationes e/o con differente personas (differente linguas con le matre e con le patre; con le amicos, co-scholares, empleo, marita, infante, etc.). Le bilinguismo o plurlinguismo ha anque un altere "subgruppo" (?), que refere al bilinguismo traditional p. ex. a gruppos ethnic, minoritates national non-hungare habitante desde seculos in le territorio del pais, p.ex. Hungaria. Traditionalmente illes parla 1. lor proprie linguas e 2. le lingua del circumstantia, del stato, del societate plus vaste; i.e.: le hungaro. In iste relation io pote dicer, le Hungaria de ora ha assatis pauc minoritates ethnic national. E illes (specialmente le juvenes) parla sempre minus lor lingua de origine, dunque il ha pauc "bilinguos" (?) hungarian in iste respecto. >Le movimentos pro ido e esperanto ha essite satis >forte in Hungaria Le movimento de esperanto es forte anque ora, ma illo de ido solmente era forte (respectivemente significante) olim. Nunc un movimento pro ido in Hungaria non existe. >Anque hodie esperanto es multo popular como >lingua studiate pro le examines public. Si, proque al scholas alte e universitates il es obligatori in Hungaria haber un "examine lingual" medie o superior (forsan le nomines de isto son differente de pais a pais: il se tracta de un papiro, que attesta le cognoscentias lingual del persona in question in un concrete lingua estranie al grados "basic", "medie" e "superior") pro haber un diploma universitari o de schola alte (non solmente pro studentes de linguas, ma pro omne le studentes; mesmo studentes de linguas non pote seliger le linguas, le quales illes studia; solmente un altere). Multe studentes non ha habilitate lingual, e illes non ha planos con le linguas, illes non se interessa super linguas, ma illes debe e vole seliger linguas facile, in le quales on pote attinger resultatos rapidemente pro acquirer le papiro. Pro isto illes selige soventemente non le anglese o le germano, ma le esperanto e le romani (un lingua del romas / tsiganos), que son recognoscite in Hungaria como linguas del quales on pote haber un "examine lingual". Ma il es importante a accentuar, que le esperanto (e le tsigano) es seligite per studentes non interessate in le linguas, ma in le papiro, e illes non deveni "esperantistas" pro isto (o non multes, ma multo pauches). In iste respecto on non pote dicer, que pro isto, desde iste possibilitate esperanto es "plus popular" in Hungaria. >Alora, pro que non interlingua? > >Gasper Donald Iste possibilitate con le esperanto - que illo es recognoscite como un lingua vivente e assi illo es equal con ulle lingua national (anglese, germano, bulgaro, espaniol, japonese, etc.) quando il se tracta de acquirer un "examine lingual" - es multo cognoscite in Hungaria e on, quando on incontra interlingua (on automaticamente collige interlingua con esperanto in le mente de uno), sempre me demanda, esque on pote acquirer "examine lingual" de interlingua (similemente al esperanto, italian, germano o ulle altere lingua). Un interessato mesmo pensa, interlingua poterea esser (plus) cognoscite in Hungaria, si iste possibilitate de haber un papiro de illo existeva... Que a dicer a iste personas...? Péter KOVÁCS =====================================================Pro disabonar te del lista, invia un message a [log in to unmask] con le texto: UNSUBSCRIBE INTERLNG o visita le sito del lista: http://maelstrom.stjohns.edu/archives/interlng.html =====================================================Visita le sito official del Union Mundial pro Interlingua: http://www.interlingua.com/ =====================================================