Le historico Mohammad Hashemi (ego crede que ille scribe su nomine assi) sublineava in un programma de nostre radio national que le iranianos jam in le cinquantas del seculo passate probava introducer un democratic societate secular, ma le lider, doctor Mossadeq faceva le miscalculation de probar nationalisar le industria petroleoexpluatori. Per un multo habile colpo de stato le CIA succedeva cambiar le dicrection, dejectar Mossadeq (ego crede memorar que on le pendeva) e installar Reza Shah Pahlavi, un formidabile dictator qui, si ego ha comprendite le cosa ben, probava facer le mesme sorta de revolution que Stalin in Russia con le differentia que ille, le shah, habeva plus de moneta a su disposition. Le revolution de Khomeini era un reaction a iste "stalinismo" moderne. Mi imagine del pais es que le pais es un dictatura totalitari. Le similitude con altere paises totalitar es frappante, il ha un "partia", "union pro juvenes", "consilios de vicinitate" (que controlla lo que le habitantes face in le partes habitatal del urbes. Iste factos es lo que me diceva mi cursantes in le annos 80's e ego non ha cognoscentia detaliate del situation actual. Ego pensa que le miscalculation del Statos Unite pote eseer que on non considera le appoyo que le stato revolutionari pote haber inter le povres in le pais. E pro exemplo sanctiones economic, un boycot o simile, solo significara que minus de humanos pote haber parte in le benesser que es le optinme medicina contra le regime revolutionari. Le juvenes usque 30 annos que constitue un significante parte del population se delecta del libertate inoficialmente que illes non pote attinger officialmente, in publico. Ego spera que on va usar medios encoragiante in loco de strangulation economic, que on apprende del historia, simplemente. Kjell R -- Pro disabonar te: http://listserv.icors.org/archives/INTERLNG.html