Jay ha scribite: >Esque nostre amico Piet esseva un tal >que ille mentiona? Forsan lor opiniones >mi experientia (non-esperte) le facto que Johannes >scribeva le evangelio que porta su nomine e iste >facto non esseva ponite in question usque le >criticos del seculos recente es bastante pro >dar le plus importantia al credentia de seculos >que al suppositiones de tal "expertos". Le expertos basa lor opiniones super factos, p.e. le existentia de certe manuscriptos perdite ora retrovate in le seculos recente. Lo que nos sape, secundo le expertos, es que il habeva multe formas de christianismo in le prime e secunde seculos del era christian, que es evidentiate per non solmente le scripturas de lor criticos orthodoxe que frequentemente ha citate extensivemente le scripturas de iste altere christianismos, mais in multe casos recente, per manuscriptos de autores mesme de iste altere formas del christianismo. Sin le cooperation del Imperiator Constantine post 325 c.e. in usar le poter del Stato de Roma in supprimer iste altere formas del christianismo (pro usar le christianismo como un fortia de unification de su imperio), iste altere credos de christianismo haberea continuate exister. Le scripturas del altere ecclesias christian esseva supprimite e frequentemente destruite. Solmente per accidente habeva alcun de iste manuscriptos supervivite. Le discoperta in circa 1947 del urna interrate con manuscriptos a Nag Hamadi in Egypto ha restaurate alcun de iste manuscriptos al mundo, e nos sape melior super le gnosticos e altere ecclesias christian como le ebionitos e marcionitos. In effecto le 'credentia de seculos' esseva le ignorantia del ver historia de christianismo appoiate per institutiones que in servir lor proprie interesses ha supprimite iste historia in favor de un de lor proprie 'creation'. In recente annos il ha habite popular libros scribite per iste historicos del christianismo pro describer al publico lor trovatas e le methodos que illes usa. Un es Bart D. Ehrman al Universitate de Nord Carolina, e un altere es Elaine Pagels al Universitate Princeton. Stan Mulaik -- Pro disabonar te: http://listserv.icors.org/archives/INTERLNG.html