Ado Hall scribeva a 18/03/2007 17:04:42: > Que dice Gode re le evolution de Interlingua ? > Io sape que il ha scribite multo re le methodos per le quales IALA > habeva extrahite le parolas que on trova in le IED. > Sed re un disveloppamento continue in le futuro - an il scribe re isto? Io pensa que le valor de interlingua remane durante que illo es de facto un registration del vocabulario international que existe latentemente inter le linguas occidental. Durante que illo pote esser usate pro communicar ideas a personas qui non lo ha studiate previemente. Si illo ha alcun disveloppamento independente, si su usatores comencia, per exemplo, a usar parolas in sensos diverse del sensos in le quales illo es usate in le linguas fontes, interlingua comenciara degradar se a un dialecto un micre communitate. Le disveloppamento futur de interlingua debe esser sempre um reflexo de disveloppamentos in le vocabulario international, detegite objectivemente per medio del methodologia de IALA. Ensjo. -- Archivos e disabonar: http://listserv.icors.org/archives/INTERLNG.html