Multo interessante tu articulo Stan Gratias Stanley Mulaik <[log in to unmask]> wrote: Un subjecto de grande interesse in le Statos Unite es un programma in le canal de Discoperta (Discovery Channel) super le discoperta de un tumba presso Jerusalem que le discopertas crede esseva le tumba de Jesus, Maria, Mariamne (Maria Magdelena), le filio de Jesus e Mariamne (!), Jacobo, Jude, Jose, e un Mattheo. Le tumba ha continite ossuarios super alcun de que ha essite scribite le nomine del persona interrate in illo. Equalmente in le antecamera del tumba, in le terra, esseva trovate interrate le cranios de tres personas positionate al apices de un grande triangulo. Le discoperitores crede que le inusual combination de nomines in conformitate al nomines del membros del familia de Jesus face le probabilitate de isto 1 in milliones si illo esseva solmente un aleatori combination de nomines commun in Jerusalem in le prime seculo. Super le entrata al tumba es un inusual symbolo: un chevron sub le que es un circulo in su centro. On nota le similaritate de isto al symbolo del templeros qui ha occupate Jerusalem durante le cruciada. Lor symbolo es un triangulo in le medie de que es un oculo. On specula que quando illes ha capturate Jerusalem e esseva in le acto de occider le habitantes, que illes ha incontrate alcun ebionitas, christianos-judaic, que illes ha salvate de occision. Le ebionitas pretendeva esser le original christianos e un secto de judaismo. Post Jesus Jacobo esseva lor director. Possibilemente le ebionitas ha convertite le templeros a lor doctrinas--que Jesus esseva un homine nascite de un matre e patre human, e que ille ha morite e esseva interrate, e solmente su spirito ha vadite a celo. E illes possibilemente ha monstrate le templeros le tumbo. Le tres cranios in le antecamera esseva interrate la in le tempore del cruciada (secundo C-14). Possibilemente illes esseva templeros de grande rango qui voleva guardar le tumbo. Le ossuarios es in un grande magazin in Jerusalem sub le controlo del governamento de Israel. Le ossos in le ossuarios ha essite removite e reinterrate in locos on non revela. Le discoperitores esseva permittite examinar le ossuarios, le nomines inscribite super illos, e prender parve exemplares del patina de illos, pro comparar los con le ossuario de jacobo que ha essite revelate in 2006. Per analyse spectrographic, illes ha monstrate que le patina del ossuarios in le tumbo esseva exactemente le mesme como super le ossuario de Jacobo. Le IAA possede 9 ossuarios, mais illes ha contate 10 quando le tumba esseva rapidemente examinate in le 1980s, durante le construction del apartamentos. Le templeros ha essite accusate de adorar un cranio in un rito secrete. Es isto le cranio de Jesus? Illes ha dicite que illo esseva Johannes le Baptista, mais proque adorar lo? Le tumba es locate al margine de un grande complexo de edificios de apartamentos. Le tumba esseva discoperite originalmente in 1980, mais necuno in le Israeli archeologic agentia ha facite le connection que le combination de nomines in le ossuarios esseva remarcabile in esser le nomines del familia de Jesus. Io pensa que le symbolo super le entrata es un grec alpha. Le nomine de Mariamne (Magdelena) es scribite in litteras grec super su ossuario. "Mariamnu (equalmente cognoscite como) Mara (maestro o Patre). Le final alpha de 'Mara' es similar a un lambda con un parve puncto inscribite in su medio. Maria Magdelena es nominate 'Mariamne' in un antique manuscripto recentemente discoperite per un professor a Harvard, le Evangelio de Phillip. Phillip in iste evangelio es le fratre de Mariamne, e Jesus ha ordinate la accompaniar Phillip pro evangelizar le grecos. Illa specialmente debe temperar Phillip qui a vices es preste de responder a critica per mal humor. Le evangelio dice que Mariamne ha retornate a Jerusalem, ubi illa ha morite. Il es interessante que in le systema de numeros grec, alpha = 1. In le Ecclesia Orthodox Grec Maria Magdalena es un apostolo. Le principal idea del gnosticos esseva que tu es un con tote le mundo e Deo. Toto es un. Stan Mulaik -- Archivos e disabonar: http://listserv.icors.org/archives/INTERLNG.html --------------------------------- We won't tell. Get more on shows you hate to love (and love to hate): Yahoo! TV's Guilty Pleasures list. -- Archivos e disabonar: http://listserv.icors.org/archives/INTERLNG.html