Car amicos, Il me pare utile clarificar un pauco le historia del dictionario de 2222 parolas. In le anno 2003 il se formava un gruppo de 10 interlinguistas qui voleva crear un tal dictionario: <[log in to unmask]>. Iste personas esseva: Bent Andersen, Thomas Breinstrup, Ove Hanebring, Jesper Olsson, Barbara Rubinstein, Harleigh Kyson, Arne Pedersen, Ingvar Stenstrom, Jan Armann, Peter Gravers. In iste tempore io non pertineva al gruppo. On faceva duo cosas: 1. On ha seligite un lista de 2222 parolas. Le base de iste lista esseva un lista facite in le passato per Peter Gopsill. 2. On ha facite le definitiones de iste 2222 parolas usante solmente iste 2222 parolas. Le medie parte del definitiones esseva facite per Thomas Breinstrup, le altere medie parte per le altere participantes del gruppo. Faciente iste labor, on jam esseva consciente del facto que plure definitiones esseva multo vage, insipide e dunque inacceptabile. Le carga del gruppo esserea de revider tote le proba existente. Sin revision seriose illo non poterea esser publicate. Alora, in octobre de 2003, io ha entrate in le gruppo. E con un certe enthusiasmo io ha comenciate a reconsiderar le definitiones e le exemplos, proponiente sovente altere definitiones e exemplos. Anque Bent Andersen se monstrava multo diligente, ma, regrettabilemente, solmente 2 o 3 altere membros del gruppo presentava sporadicamente lor contributiones. Lentemente il deveniva clar pro Bent e anque pro me que le restriction in nostre definitiones e exemplos a 2222 parolas esseva un troppo grande handicap. Alora, post multissime horas de labor, nos ha stoppate un interprisa que nos credeva impossibile. Isto non deberea significar que le altere 9 membros del gruppo deberea stoppar. Ma ni Jesper, ni Ove, ni Harleigh, ni Janne, ni un altere ha continuate le labores. Io vide que Josu Lavin vole restartar le labores pro le creation del dictionario. Ille invita cata interlinguista a participar in illos, ma ille ha oblidate de dar tote le lista de 2222 parolas que on pote usar in le definitiones. Sin iste lista il es impossibile de collaborar. In su exemplos Josu usa le parolas "acedia, cocca, incausto, torpor" e ancora alteres que non se trova in le lista de 2222. Salutes amical de un traditionalista Piet Cleij -- Archivos e disabonar: http://listserv.icors.org/archives/INTERLNG.html