Carlos, Io vole lauder tu interesse in questiones grammatic e lexic concernente interlingua. Totevia, il es un regula aqui a [log in to unmask] que on non discute tal questiones aqui. On dice que isto discoragia le novicios aqui. (Si le novicios es le unes qui sovente leva tal discussiones es un altere cosa). Mais nos ha un altere gruppo pro iste questiones que esseva create pro provider un alternative sito pro tal discussiones: [log in to unmask] Piet equalmente ha traducite plure obras como le constitution proponite pro le Union Europee (un ver libro e non un mer documento). Mais ille es le un qui ha introducite plus parolas international a in nostre dictionarios, que es un labor importante. A vices il non ha formas clarmente international pro certe parolas que ha sensos que es ja international. In tal casos on usa 'technicas supplementari' que es plus subjective pro provider solutiones, e possibilemente in le casos ubi tu differe de ille, il es a causa de iste necesse subjectivitate. Mais si il ha un clar solution objective e international, Piet va trovar lo. Piet equalmente esseva le secretario-general de UMI pro multe annos. Io spera vider te a [log in to unmask] Cordialmente io te saluta! Stan Mulaik -- Archivos e disabonar: http://listserv.icors.org/archives/INTERLNG.html