d[070628] x[Kiviaho Allan] z[KivA-G6Rhi] s[NOTRE - NOve TRactato Europee] [log in to unmask] NORDia FINLANDia Estimate interlinguistas europeistas! On ha scribite in iste dies multo del nove tractato, "Tractato de Reforma". Le ultime nomine a pena va esser isto. Me place le nomine NOTRE - NOve TRactato Europee ================= HUFVUDSTADSBLADET ================= Le 2007-06-26, in "HUFVUDSTADSBLADET", le principal jornal svedophone in Finlandia, le articulo de fundo era publicate sub rubrica "Merkeligt bättre än inget alls" - MERKELmente melior quam nihil. Vide http://www.interlingua.fi/ceiafil/notrehb.htm Forsan alicun svedo o altere scandinavo poterea traducer le resto in illo a interlingua. ===================== LE FUTURO DEL "NOTRE" ===================== Il pare que le texto del Constitution Europee del anno 2004 va remaner quasi intacte. Assi, le movimento pro interlingua non faceva labor inutile quando illo traduceva lo in interlingua. Le funtionarios del Union Europee va stilisar le modificationes e le nove tractato va probabilemente esser signate in autumno de 2007 in Lissabon o Bruxellas e ratificate in 2009. Ratificate? Nunc il es pauco probabile que ulle stato vaderea rejectar lo (como Francia e Pais Basse in 2005) benque on va arrangiar un referendum al minus in Irlanda. ==================================== NOTRE E LE MOVIMENTO PRO INTERLINGUA ==================================== Naturalmente nos debe traducer le relativemente parve modificationes in interlingua. Iste traduction debe esser melio organisate quam in 2004 quando nos faceva un grande massa de travalio duple si non triple quadruple quintuple ... - - - Salutante Allan Kiviaho Vantaa, Finlandia -- Archivos e disabonar: http://listserv.icors.org/archives/INTERLNG.html