d[071017] x[Kiviaho Allan] z[KivA-GCGwc] r[JuhA-GCB] s[Re: Sentimentos disagradabile in ossos] [log in to unmask] Hola, Andrew! --------------------------------------------------------------- Juhasz Andrew 071012: Io senti alco disagradabile in mi ossos quando on dice (in interlingua): nos dansa; -------------------------------------------------------|------- An tu senti te etiam disagradabile in tu ossos quando on dice in anglese: we dance ...? (wi daans) Io ha comprendite que tu es un native hungaro qui vive in le Regno Unite. Assi como un finno-ugriano un parentela lingual con me. Io videva le prime vice le hungaros in mi vita in 1952 quando le "equipa miraculose" (Puskas Ferenc, Grosics Guyla & Co.] vinceva super Yugoslavia in le final del torneo de calcio durante le jocos olympic in Helsinki. Quasi omne altere sportistas hungare attendeva iste match e critava in chor, como io e mi amicos finlandese credeva: "HURA HURA HOIRAA!". Solmente multo plus tarde io comprendeva que illes habeva probabilemente critate "HURA HURA MAGYAR!" (Pronunciate como HURA HURA MOYOOR!, nonne?). Io ha visitate duo vices Budapest, prime vice in 1987 quando communismo era jam proxime a collapso. Io multo ama musica popular hungare, in 1984 io attendeva un concerto de folkloristas hungare in Zürich, Suissa. Io crede que una del stellas magyar era Martha Sebestyen. Io etiam attendeva belle concertos in Budapest durante mi ambe visitas. Tu senti te "disagradabile in tu ossos" quando tu observa certe characteristicas in le grammatica de interlingua. Totevia, io pensa que on non deberea adocular nimis ardentemente le similaritates o differentias del grammatica de interlingua si comparate con linguas romance. Le grammatica del interlingua es un RATIONALISATE synthese de grammaticas del linguas fontal de interlingua. An tu ha legite le paginas sequente?: GRAMMATICA DE INTERLINGUA de Alexander Gode & Hugh E. Blair in anglese e interlingua http://www.interlingua.fi/gram/gramiaan.htm INTERLINGUA. Grammatica - principios general. In anglese e duo versiones interlinguan http://www.interlingua.fi/grgobprw.htm INTERLINGUA Theoria e Principios Prefacio del Interlingua-English Dictionary (IED) In anglese e interlingua http://www.interlingua.fi/iedpref.htm IALA International Auxiliary Language Association General Report 1945 http://www.interlingua.fi/ialagr45.htm ES INTERLINGUA UN LINGUA ROMANIC? Professor Ferenc Jeszenszky (Budapest). Coordinator del Commission Linguistic del UMI (Union Mundial pro Interlingua). Roma ... eh ... Budapest locuta est, causa finita est! http://www.interlingua.fi/gram/gramia.htm Pronunciation in anglese. Adjuta pro estranieros http://www.interlingua.fi/anglpron.htm PAMPHILIA - PAMPHleto pro InterLInguA INTERLINGUA - LE LINGUA UNIVERSAL DEL CIVILISATION EUROPEE http://www.interlingua.fi/pamp0.htm Salutante Allan Kiviaho Finlandia -- Archivos e disabonar: http://listserv.icors.org/archives/INTERLNG.html