d[071025] x[Kiviaho Allan] z[KivA-GCOie] s[Re: Carlos Alberto e romanica. Interlingua in le Americas] [log in to unmask] [log in to unmask] Estimate interlinguistas! Il es regrettabile que un tal interlinguista promittente como Carlos Alberto Santos quitava interlingua e cambiava al campo de romanicaistas. Interlingua era developpate per IALA (International Auxiliary Language Association), cuje hereditor es UMI (Union Mundial pro Interlingua). UMI es un "persona juridic" que es legalmente registrate in Paris. Tunc UMI ha derecto e poter a decider que le sol lingua usate in le foros del UMI es interlingua. Naturalmente on pote usar altere linguas a un grado rational, e.g. quando un certe lingua es sub discussion. Propaganda pro un altere lingua non es tolerate per UMI. Lege Le statutos del Union Mundial pro Interlingua (UMI) http://www.interlingua.fi/umistaif.htm ************************************************* Proque UMI non pote tolerar ROMANICA in su foros? ************************************************* Le scopo principal del UMI es (o al minus deberea esser) a facer interlingua le singule lingua commun pro cosas practic pro - liberar le ressources spiritual e material a uso synergetic pro prosperitate - proteger le ricchessa de culturas e linguas national e regional. Chances real de realisar iste scopos son primarimente in Europa e in iste partes in altere continentes ubi un lingua europee es parlate. Interlingua es le optime lingua como "lingua franca" in Europa proque illo es le heraldo del civilisation europee greco-roman cuje mediator pro nos es le latino. Il non ha placio pro duo gallos super le stercorario ---------------------------------------------------- In Europa, super toto in le Union Europee nos non pote offerer duo linguas similar, interlingua e romanica - linguas que despecto lor similaritate ha un numero de differentias fundametal, como §32 Il ha nulle INFLEXION o ACCORDO adjectival in interlingua (Romanica los ha) http://www.interlingua.fi/gram/gramiaan.htm#P32 Generes grammatic son un reliquia archaic, non rational, non necessari. Alexander Gode - Hugh E. Blair: PRINCIPIOS GENERAL DEL GRAMMATICA (Prefacio de "INTERLINGUA, a grammar of the international language") "Assi, per exemplo, le tracto de un forma plural distincte del substantivos debe esser retenite proque illo se monstra exister in omne linguas fonte, durante que le tracto de generes grammatic pote esser omittite proque illo manca in un del linguas fonte, a saper in anglese." Proque non anglese como lingua franca in Europa? ------------------------------------------------------ - Le anglese es nulle systema, illo es un chaos (1100 graphemas pro presentar 55 phonemas) - Le vaste majoritate de linguas europee usa alphabetos latin que son pronunciate plus o minus como in le latino classic (le plus grande exception, post anglese, es le francese, nonne?). In anglese A non es A sed "EI" E non es E sed "I" I non es I sed "AI" U non es U sed "YU" On non pote decentemente presentar le nomines europee in anglese. http://www.interlingua.fi/gram/gramiaan.htm#P32 - Le Statos Unite es (ancora) le major competitor del Union Europee in le economia global. Il non es un bon idea a parlar le lingua que es le lingua materne del competitor principal. INTERLINGUA = EUROSYNERGIA Duo tendentias principal: - 1. Anglese. 2. Anglese-francese-germano ("Triumvirato nonsacre de tres hegemonistic linguas granfraternal") - Latino es precise como fusil - anglese disperge como escopeta - Anglese - un lingua inter alteres, non plus, non minus. http://www.interlingua.fi/eusynerg.htm DEFECTOS DEL ANGLESE http://www.interlingua.fi/uneumi.htm LE ANGLESE - UN LINGUA AUTODESTRUCTIVE? http://www.interlingua.fi/anhand.htm PRONUNCIATION IN ANGLESE - ADJUTA PRO ESTRANIEROS http://www.interlingua.fi/anglpron.htm PRONUNCIATION IN INTERLINGUA - INSTRUCTIONES PRO ANGLOPHONOS http://www.interlingua.fi/anglpro.htm ########################## INTERLINGUA IN LE AMERICAS ########################## Nota bene que omne grande linguas in le Americas son linguas fontal de interlingua: anglese, espaniol, francese, italiano (il ha multe immigrantes italian in Argentina e le Statos Unite) e portugese. Un grande factor in le potentia economic del Statos Unite ha essite su homogeneitate lingual. Hodie le SUA es in processo de devenir un pais bilingual (anglese e espaniol). On se demanda si il non esserea favorabile pro le Statos Unite parlar anglese E INTERLINGUA e esser capabile a communicar con Europa e America romanic? Ironicamente interlingua era principalmente nascite in le Statos Unite. Brasil e le lingua portugese se trova in un position un pocon peculiar. Le majoritate de americanos romanic parla espaniol (castiliano), le Statos Unite es particularmente sub influentia de Mexico e Cuba (per le multe immigrantes cuban in Florida). Brasil con su portugese es sol sed illo es le plus grande pais in America del sud e con ressources de devenir un grande potentia economic in scala global. SED PROQUE DEBEREA UN BRASILIANO STUDIAR ROMANICA? AN IL ESSEREA PLUS SAPE A STUDIAR INTERLINGUA, CON LE QUAL LE BRASILIANOS POTEREA COMMUNICAR CON LE PLURE PAISES E REGIONES HISPANOPHONE IN LE AMERICAS, CON QUEBEC E ALTERE REGIONES FRANCOPHONE, E SUPER TOTO, CON EUROPA - E CON LE STATOS UNITE DEL AMERICA DEL NORD, SI ILLO ALICUN DIE VA ACCEPTAR INTERLINGUA, UN LINGUA QUE NASCEVA IN ISTE PAIS ...!? ALCA-FTAA-ZLEA Area de Libere Commercio del Americas http://www.interlingua.fi/aa_alca.htm - - - Salutante Allan Kiviaho Finlandia -- Archivos e disabonar: http://listserv.icors.org/archives/INTERLNG.html