d[071207] x[Kiviaho Allan] z[KivA-GR7mn] s[Re: Que significa "caudillo"? El Caudillo Francesco Franco] [log in to unmask] Salvete, estimate Caudillos interlinguistas! --------------------------------------------------------------- Juhasz Andrew 071113: Que significa "caudillo"? Illo non es in le dictionario e io non pote derivar lo (eg de cauda) in un maniera que face senso pro me... ------------------------------------------------------|-------- Io ha nascite le 1935-11-02. Un persona de mi generation es multissimo stupefacte quando nos observa un EUROPEO, qui non sape qui era EL CAUDILLO FRANCISCO FRANCO. Totevia, Andrew, non es irate, il ha multe, multe cosas de tu generation (rock, karaoke, heavy metal etc.) del quales io ha nulle idea ... Con parolas - caudillo francisco franco - tu pote felicemente trovar UN MILLION colpos in interrete de iste hidalgo. Ecce un documento in hungaro: / / / / / / / / / / / / / / / / / / / / / / / / / / / / / / http://hu.wikipedia.org/wiki/Francisco_Franco Francisco Franco [szerkesztés] A Wikipédiából, a szabad lexikonból. Francisco Paulino Hermenegildo Teódulo Franco y Bahamonde Salgado Pardo (Ferrol, 1892. december 4. – Madrid, 1975. november 20.) spanyol katonatiszt, Spanyolország diktátora \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ \ Le guerra civil in Espania in 1936-39 era un evenimento choccante in le historia europee. In iste guerra luctava le Republica Espaniol (socialistas, communistas, bolchevicos, anarchistas etc.) contra le faschistas (classes dominante, officieros etc.) qui sub general Francisco Franco startava un rebellion contra le Republica. Franco era supportate super toto per Germania de Hitler e Italia de Mussolini sed etiam tal paises democratic como Suissa, Irlanda e Finlandia supportava Franco. Le Republica era supportate per le Statos Unite, Britannia, Francia e le Union Sovietic. Un phase multo importante era e.g. le brigadas international. Post le guerra multo cruel e sanguinose finiva al victoria de faschistas. Etiam ex Finlandia un plure de voluntarios participava a iste guerrra. Le plus famose de illes era ratsumestari/ ryttmästare/Rittmeister (capitano de cavalleria) *** Carl von Haartman *** (nascite in 1897 in Helsinki, morte in 1980 in El Alamillo, Espania), qui comenciava su guerra in Espania in 1936 como chef del Centuria Catalana (un compania de 180 soldatos). Ille era ferite e post su convalescensia in februario 1937 ille era nominate a director del schola de cadettos. In junio 1937 ille retornava al fronte e ille era nominate al chef de compania de mitraliatrices. Ille participava in plure battalias ardente e era de novo ferite in octobre 1937 (presso a Covadonga). In januario 1938 ille retornava a su compania. Ille habeva in julio 1938 plure contactos con unitates italian. In iste vice ille era de novo ferite, nunc gravemente. In octobre 1938 ille retornava al fronte, nunc como adjutante de un unitate famose, le "Regimento de Ulanos de Calatrava", su chef era le Duce de Aveyro. Le 9e de maio 1939 von Haartman participava al parada de victoria de Franco in Madrid. Le 12e de septembre 1939 ille participava in Barcelona a un festa memorial del su prime unitate in Espania, le Centuria Catalana. Ille era celebrate como le "El capitán finlandés". In octobre ille voleva hastar a Finlandia proque un attacco del Union Sovietic menaciava (illo erupteva le 1939-11-30 sed le armea finlandese habeva essite mobilisate jam in octobre). Le retorno a Finlandia era difficile, ille viagiava per un nave de San Sebastian via Oporto (Portugal) a Trondheim (Oslo) e via Stockholm a Helsinki, a ubi ille arrivava le 1939-11-29. Le armea sovietic attaccava le sequente matino ...! Ille se reportava al marechal Mannerheim, le commandante in chef del fortias de defensa finlandese - quando bombas de aviones sovietic falleva in le vicinitate. Le 1939-12-05 ille se reportava al general Woldemar Hägglund, le commandante del II corpo de armea e le patre del general Gustav Hägglund, le supreme commandante del armea finlandese e post illo le prime chef del Committee militar del Union Europee in Bruxellas. Ille era nominate commandante del II battalion/regimento de infanteria 34/12e division. Le chef del 6e compania de su battalion era tenente Aarne Edward Juutilainen, uno del plus legendari officiero in le armea finlandese in le guerras 1939-45. Su supernomine era "Marokon Kauhu" ("Le Terror de Morocco"), proque ille habeva servite durante plure annos in le Légion Etrangčre francese in Morocco. Le fratre de Aarne Juutilainen, maestro pilota Ilmari Juutilainen, era le plus grande asse chassator in le historia del fortias aeree finlandese. In le compania de "Terror de Morocco" serviva Simo Häyhä, le plus successose tirator de precision del mundo. Vide http://en.wikipedia.org/wiki/Simo_H%C3%A4yh%C3%A4 Como commandante de un battalion Carl von Haartman participava a unes del plus epic e decisive battalias in le historia militar Finlandese, illos de Kollaa. Battaliante contra un superioritate enorme su battalion (e altere unitates de su regimento) stoppava le effortios de divisiones sovietic a liberar de truppas sovietic que era assediate al costa del Laco de Ladoga (le plus grande laco in Europa). Carl von Haartman serviva postea in rango del tenente colonnello como attachea militar in le ambassada finlandese in Madrid. Carl von Haartman habeva directe in 1929 un pelicula, ("Korkein voitto" - "Le Ultime victoria"), un historia de spionage. Un avion del fortias aeree finlandese, Caudron, jocava un rolo in le pelicula. Von Haartman habeva ipse servite in le fortias aeree e acte como experte militar in plure peliculas in Hollywood. Ille participava etiam como actor in alicun peliculas. ******************************************** Voluntarios finlandese a parte del Republica ******************************************** Solmente ante alicun annos io ha trovate que de facto le numero de finlandeses qui luctava pro le Republica, pro le "rubies", era multo plus grande quam le numero de illes que luctava pro El Caudillo Franco. Sed solmente multo poc de illes vadeva ab Finlandia sed centos ab le Statos Unite e Canada, illes era immigrantes finlandese in iste paises. In 2002 io trovava un libro multo interessante: MEIDÄN POIKAMME ESPANJASSA (Nostre pueros in Espania) Toimittanut (redacte per) K.E. HEIKKINEN Kuvittanut (Illustrationes) WILLIAM LAHTINEN Kustantanut (Editate) FINNISH WORKERS FEDERATION, U.S.A., INC. Publishing Department 1939. 192 s. Illo era un collection de memorias de finlandeses statounitese qui habeva participate in le Guerra civil in Espania. Un officiero finlandese, qui habeva un nomine anglese (io non memora su nomine) sed era un pur finno, un chef de compania, deveniva multo famose e on erigeva un statua pro su honor (le regime de Franco certo destrueva le statua ...). *************************************************** General Bruno Jalander e le guerra civil in Espania *************************************************** Post le catastropho pro le Republica Espaniol plure soldatos del armea republican fugiva a Francia ubi illes era internate. Un general finlandese, Bruno Jalander, era nominate como representante del Liga de Nationes, qui debeva arrangiar le soldatos internate a su patrias. Quando io laborava in Suissa in 1983-85 io era stupefacte quando io legeva que le veteranos suisse qui habeva luctate in Espania contra Franco habeva essite punite con prision e que ancora in 1985 illes non habeva essite rehabilitate. Alicun jornales suisse scribeva que illo era un stupiditate extreme, proque, si Germania o Italia haberea attaccate Suissa durante le II guerra mundial, iste veteranos del Guerra civil de Espania - qui habeva luctate al mesme parte como e.g. Ernest Hemingway e George Orwell - era le sol homines suisse, que era trainate in un guerra real. Retro a general Bruno Jalander. Ille era maritate con Aino Ackté, un cantratrice de opera de fama mundial. Como ministro del interior ille habeva participate al suppression (sin effusion de sanguine) de un rebellion faschista (o al minus semifaschista) del Movimento de Lapua. Le lapuaistas habeva tentate assassinar le, sed abandonate le idea post un tirada con pistolas inter le lapuaistas e le guardas del corpore del ministro in le antecamera del ministerio. Alicunos era vulnerate sed non mortalmente. Nonpasaranmente salutante Allan Kiviaho P.S. Francisco Franco era sin dubita un general e dictator sanguinose, sed ille succedeva lassar post mortem un pais democratic - un essayo ubi Josip Broz Tito falleva totalmente. -- Archivos e disabonar: http://listserv.icors.org/archives/INTERLNG.html