On Sun, 9 Dec 2007 00:15:55 -0800, Ion-Mihail Iosif <[log in to unmask]> wrote: >Bon die! > > >Se impone que les correspondentes sape le >signification de parolas. Ad. ex. que es "coollist"? >Forsan collega Mullaik poterea explicar nos... > > >Con tote de amicitate >Ion-Mihail Nostre amico Stan refere a lo que le lista de correspondentia electronic "interlingua-coollist" (le colateralista) es le foro apte pro discussiones linguistic in e super interlingua, non iste lista INTERLNG. Ma que a facer, si INTERLNG non es assatis active in altere themas? (P. ex. nos poterea parlar super le independentia previsibile de Kosovo, etc.) Forsan il es pardonabile toccar themas linguistic tamben hic a fin de revivificar le activitate hic...? Tu demanda in hungaro: "Tudsz nemetul vagy totul?" i. e. esque io sape le germano o alicun lingua slave (slovaco, p. ex.)? Nemetul tudok - io cognosce le lingua german, ma io ha cognoscentias multo basic del grammatica e vocabulario del linguas slave - olim io apprendeva le russo in le schola e io volerea ancora apprender alicun lingua slave in mi vita, proque io ha vergonia de non parlar un lingua slave vicin a Hungaria. Le slovaco es tamben un belle lingua, geographicamente le sloveno es le plus vicin a mi contato, ma illo non me place multo. Pro isto io considera plus tosto apprender le croato, proque illo me place le plus e si io sape le croato, alora io comprende le linguas serbe e bosniac equalmente - linguas identic con le croato con alicun parolas regional, que differe. Péter -- Archivos e disabonar: http://listserv.icors.org/archives/INTERLNG.html