Car Josu, si io pote synthetisar le situation de Interlingua como tu lo describe, io dicerea: "Situation desperate ma non serie". O, anque, io poterea adaptar un famose oxymoron: "Le insupportabile levitate de IA". Gravemente, robocap Josu Lavin ha scritto: > Car amicos, > > Io vole regratiar tote le responsas que io ha recipite referente a mi demandas. > > Illos suffice pro me. > > Io ha potite clarificar tote iste typo de questiones que tanto importante me semblava. > > Io sape que mi "manieras" non es le plus correcte politicamente, ma alteremente io non haberea attingite mi scopo clarificatori. > > CONCLUSIONES: > > Nos da duo documentos magnific: > > Le Interlingua English Dictionary e le Interlingua Grammar. > > A mi aviso, duo documentos a studiar in profunditate per tote illes qui vole apprender ben interlingua. > > Il ha alicunos qui vole sequer tote le regulas presente in iste obras. > Alteros vole usar solmente un selection natural facite ab 1951 ad 2008. > E alteros vole corriger usque al perfection (sempre subjective). > > Stupendo! > > Ab 1951 ad 2008 Interlingua ha devenite un lingua parlate per un gruppo de personas non troppo grande. Alicunos insenia iste lingua a lor filios e filias e mesmo nos lo ha audite recentemente a lor nepotes (neptos e neptas) in un tertie generation (io non memora ora, lamentabilemente, le nomine de iste familia). > > Stupendo! > > Io vide que il ha positiones antagonistic multo forte. Ante illos, Josu Lavin es assatis impartial. On poterea dicer que on non sape si le urso Josu va o veni. Ille es non predicibile, como tote le ursos, quia on non sape si ille va attacar o si ille va fugir a trans le montanias. > > Stupendo! > > Io crede que ora corresponde a me dar mi proprie opinion. > > Insimul con le IG nos ha le practica real ab 1951 usque a 2008. In iste practica entra mesmo le practica de illes qui solmente parla re linguistic e questiones technico-scientific. > > Insimul con le IED nos ha altere dictionarios plus extense como illos jam al vendita in lulu.com > > Insimul con tote isto nos ha multe libros al vendita e alteres gratis in formato e-libro. > > On face conferentias, reuniones, classes, etc. de interlingua in le mundo. > > Il ha blogs, wikisitos, chat, radio, etc. > > Nonobstante, illo non suffice. Il ha multo a facer, e tote isto a facer debe esser facite per illes qui senti que on deberea facer. > > Continuara forsan. > > Imbracios amical > > Josu Lavin > > > > -- > Archivos e disabonar: http://listserv.icors.org/archives/INTERLNG.html > > -- Archivos e disabonar: http://listserv.icors.org/archives/INTERLNG.html