Car amicos, Contrarimente al opinion de Stan, Gode non presenta ATION, ITION, ATIVE, ITIVE, etc como suffixos. Vos pote leger lo infra in su grammatica. Ille parla clarissimemente del suffixos que se combina con le secunde thema es: -ion, -ive, -ura, -or, -ori, -orio, -e. Le termination -E del participios es tractate como lo que illo es: un suffixo. In INFORMATE le suffixo es -E, e in INFORMATION le suffixo es -ION. Isto lo dice Gode jam in 1951. INFORMAT- es le secundo thema, secundo Gode. Non confunder secundo thema, con secunde radice de un verbo. --- §148 Le secunde forma o thema combinatori es o irregular - in qual caso illo es listate in le Interlingua-English Dictionary (vide, per exemplo, sub figer, verter, cognoscer, etc.)1 - o resulta del prime thema per le addition de -at in le caso de verbos in -ar, o -it in le caso de verbos in -er e -ir. Le suffixos que se combina con le secunde thema es: -ion, -ive, -ura, -or, -ori, -orio, -e. §149 Per ligar le elementos -at e -it con le suffixos listate, un exposition de formas resulta in le qual le distinction inter le prime e secunde thema debe esser mantenite solo pro verbos con un secunde thema irregular. Le formas es: Verbos regular (addite al prime thema) Verbos irregular (addite al secunde thema) (-ar) (-er, -ir) (-ar, -er, -ir) -ation -ition -ion -ative -itive -ive -atura -itura -ura -ator -itor -or -atori -itori -ori -atorio -itorio -orio -ate -ite -e --- JOSU: Que vole dicer isto? Isto vole dicer que Stan ha discoperite nihil. Gode jam diceva isto. Ingvar jam diceva isto. Mi professores de latino jam diceva isto quando io era un infante de 12/13/14 annos. Amicalmente Josu Lavin -- Archivos e disabonar: http://listserv.icors.org/archives/INTERLNG.html