Josu ha ration. Io non ha introducite plus que circa dece nove particulas in le vocabulario international. Le 183 particulas que io ha trovate es prototypos, le preponderantia de que es jam in le IED, multes in [ ] sin litteras de credentia prototypic fin que io ha discoperite que illes ja los possede. Hugh Blair ha selectionate le particulas al ultime momento ante que le manuscripto pro le IED ha vadite al imprimitores. Su fonte, al direction de Dr. Gode, esseva le altere linguas auxiliar traditional. Ben que le autores de iste linguas auxiliar non ha usate le principio de eligibilitate e le standardization de forma secundo le prototypo, illes ha complite quasi le mesme cosa con alcun de lor particulas. Totevia il ancora ha particulas in [ ] que non es prototypos commun a variantes in le linguas romance, que le particulas debe esser si le methodos de eligibilitate e standardization de forma es usate. Infortunatemente le carga a ille non esseva a reexaminar le question del particulas, mais simplemente a trovar particulas que facerea le IED plus utile a adherentes de altere linguas auxiliar in internationalizar le formas de lor vocabularios. Salutes cordial! Stan Mulaik -- Archivos e disabonar: http://listserv.icors.org/archives/INTERLNG.html