Car totes, Vos memora forsan que io ante un mense scribeva super un nove sito de foros que io era creante. Le labor ha progredite ben, e le sito es quasi preste. Alora le tempore ha ora venite, quando io pote revelar que le adresse del sito es: www.interforo.org Le inauguration official habera loco al 21 de junio. Ante ille data le sito essera in le phase "beta". Isto significa que on pote jam ora registrar se e comenciar a usar le sito, ma il solmente ha poc foros in illo, e on pote ancora incontrar errores. Si on trova un error (sia technic, sia linguistic), on pote (e io spera que on vole) reportar lo assi que illo pote esser corrigite! Vos pote leger plus in le sito in le categoria "Nove novas" (hic es un ligamine directe: http://interforo.org/viewforum.php?f=7&sid=f62397f07a6be1430811cedbe7b3d2a5) Totes pote leger le messages del sito, ma pro participar activemente on debe esser registrate. On se registra per cliccar le button "registration" (accessibile del frontispicio) e sequer le instructiones. Il dura solmente un momento. Gratias a totes qui ha adjutate usque ora, super toto a: Daniel Hollande, Martijn Dekker, Josu Lavin, e Gerhard Hinze! Amicalmente, Lars -- http://falcatorrosa2.blogspot.com, http://www.interforo.org * Ask not what you can do for your conlang - ask what your conlang can do for you -- Archivos e disabonar: http://listserv.icors.org/archives/INTERLNG.html