Car lectores, respectivemente ascoltatores! In le podcast no. 34 de Radio Interlingua (pro junio 2011) io presenta le final parte del interview con Thomas Breinstrup, registrate in 2008, in Linköping, Svedia, ubi le 11me Incontro Nordic de Interlingua habeva loco. Io le ancora demanda super le possibile causas de lo que interlingua es plus popular in le paises scandinave, que alterubi. Le sequente thema de nostre conversation es cercar le causas del facto, que interlingua non es assatis popular e divulgate in le paises romanophone, respectivemente al gente parlante linguas romanic, al quales interlingua sta multo proxime. Finalmente io demanda le activista danese: que ille pensa super le possibilitates de interlingua in le futuro e super instrumentos efficace a divulgar lo. Le emission pote esser ascoltate directemente, o plus tosto discargate de http://www.interlingua.com/node/810 . Tote le emissiones pote esser vidite sur le pagina web http://www.interlingua.com/radio . Bon passatempore con Radio Interlingua desira vos: le redactor Péter Kovács ! -- Pro leger le archivos e pro modificar o cancellar le subscription: http://listserv.icors.org/archives/interlng.html