Car omnes. Pois que un documento in le formato .txt es como un ancian machina a scriber (si alcuno ancora memora un tal), il es impossibile haber ulle sorta de formatation: nulle cambio de fonte, nulle cursiva, nulle grasse, nulle sublineamento... - solmente texto pur. Ma illo ha le grandissime avantage de poter esser aperite e legite per absolutemente omne programmas. Nos assi cerca le option secunde optime pro indicar le accentos. Iste solution NON es usar accentos in le litteras ("lítteras"); isto es vermente non pedagogic e da un mal imagine del parolas. On anque non pote usar alcun signos quando on scribe le parola normal ("l'ittera", "l*i*ttera" etc.) - isto esserea horribile. Assi le sol maniera usabile es como describe Ingvar, e como monstra Josu: notar le parola-entrata in forma pur sin ulle indication + indicar in parentheses quadrate le typo de parola (in minusculas) e un categoria (in majusculas) + indicar in parentheses "estranie" (io non ha un parola pro isto - in danese nos lo appella "un Tuborg cadite", proque illo pare como le logo del bira danese) le pronunciation e usar ci le accento supra le litteras pro indicar le pronunciation. Como Josu monstra: · cubito [sub, BIOL] {cúbito}. Ma SIN un puncto final que ha nulle function del toto e solmente plena. De facto io voleva proponer un cambio del duo typos de parentheses, proque on sole indicar in parentheses quadrate le pronunciation, assi: · cubito {sub, BIOL} [cúbito] In iste maniera on ha facite un documento, in le qual tote le typos de informationes es clarmente differentiate. Isto significa que on - pro altere projectos futur que usa iste thesauro como base - pote facilemente assortir le informationes que on cerca. Con mi optime salutes Thomas -- Pro leger le archivos e pro modificar o cancellar le subscription: http://listserv.icors.org/archives/interlng.html