Kjell, Le latino classic, como tu debe saper, es recrudescente (vide le creation, per le papa emerite de un academia...., e mesmo al nivello scholar e ´retal illo gania adeptos'). Ma, como tu tamen sape, su grammatica es complexe e multo plus travaliose a appre(he)nder que qualcunque lingua planate. Durante que un romanophono con un nivello de instruction medie comprende circa 50-70% (iste valores es speculative) de un texto (in interlingua) a prime vista, un grande majoria de licentiatos comprenderea c. 5-10% de ille mesmo texto in latino. Dunque, a mi aviso, le latino es un lingua pro personas qui ama defias intellectual e, super toto, quando illes ha le tempore pro dedicar se a un tal studio. Le dissidentias existente intra un communitate que parla le mesme lingua es un cosa normal; in Portugal, per exemplo (e sin parlar del altere paises lusophone) institutiones academic e scientific non ancora arrivava a un consenso pro implementar un accordo orthographic elaborate in 1990 (23 annos plus tarde!). Ille sin dicer que le non acceptantia del regulas e bases de interlingua del parte de alcunos es mermente contingente e sin importantia, pois que lor voces inraucara e, in fin, se tacera, durante que interlingua continuara a ser ille belle monumento que nos omnes cognosce. Ora quanto a su real possibilitate e capacitate pro devenir LE lingua universal de communication, isto es un altere cosa. Personalmente io pensa que esperanto se trova in un position multissime plus avantiate pro prender isse rolo... Quanto a interlingua, illo percurre su cammino, vaporosemente, e pro devenir le lingua acceptate per grande (e parve) institutiones solmente si il va haber un miraculo (non impossibile, ma...) tal cosa sera possibile. Il ha plure factores que impedi le diffusion de interlingua e nos omnes forsan es culpabile (ha un parte del culpa) de un tal stato marasmatic, comenciante evidentemente per le UMI, que non se trova al altor de su responsabilitates - como se demonstrava per le cancellamento del conferentia que deberea realisar se iste anno e le 'non existentia' (interventive) de su secretario e presidente. Salutationes, cs On 2 August 2013 09:04, Kjell Rehnström <[log in to unmask]> wrote: > Le question es si il non es melior > retornar al latino classic. In ille > caso on al minus ha un certe > acceptantia que cosa es bon > linguage e gue cosa non, e il ha un > salubre dicotomia inter academia e > le uso popular. > > Kjell R > > > -- > Pro leger le archivos e pro modificar o cancellar le subscription: > http://listserv.icors.org/**archives/interlng.html<http://listserv.icors.org/archives/interlng.html> > -- _________________ www.interlingua.com -- Pro leger le archivos e pro modificar o cancellar le subscription: http://listserv.icors.org/archives/interlng.html