In le pagina http://www.interlingua.fi/gram/gramiaan.htm io lege super le orthographia collateral: == (h) Le -e final es omittite post -t precedite per un vocal excepte in parolas que ha le accento super le tertie syllaba ab le fin; p.ex. animat, brevitat (pro animate, brevitate), sed composite. Iste regula etiam se applica pro -e final post -n, -l, e -r quando iste consonantes es le orthographia collateral pro -nn, -ll, e -rr; p.ex. peren, bel, mel, il, bizar (pro perenne, belle, melle, ille, bizarre). Nota: Le formas del tempore presente e imperative non es afficite per iste regula; pote, permite, etc. retene lor -e final. == Isto vol dicer que: 1) Le orthographia collateral involve anque un pronunciation collateral? 'Animat' es pronunciate [ani'mat], 'bel' es [bel]? o: 2) Le pronunciation del orthographia traditional (non-collateral) de parolas como 'animate' ja es [ani'mat], non [ani'mate]'? Le -e final sempre es mute? 'Belle' sona como [bel], non ['bele]? o: 3) Le orthographia collateral non es bon idea e deverea esser ignorate? Que pensa le lististas? -- Ruud Harmsen, http://rudhar.com -- Pro leger le archivos e pro modificar o cancellar le subscription: http://listserv.icors.org/archives/interlng.html