10:47 PM 1/17/2023, Peter Kovacs: >Esque "old English" es totalmente reconstruite assi, que gentes >pote parlar inter se in iste lingua (como il ha parlatores del >latino, como hobby) in nostre epocha? Esque existe tal personas, >esque il ha gruppos (virtual), cameras de chat, confabulationes >virtual o/e incontros personal, clubs de parlatores? Como io lo comprende, il ha bastante material exstante *) del vetule anglese, ergo reconstruer non es necesse. De linguas como protogermano e protogermano del west nulle textos existe, o certo nulle textos ancora existe, ergo ille linguas il solo ha in forma reconstruite. Le sol parlator del anglese ancian de qui io sape, es Simon Roper, mentionate in le ligamines a videos, https://rudhar.com/etymolog/TYSB/anciangl/ia.htm#Youtube . Ille parla lo in un conversation con un Viking, jocate per <https://www.youtube.com/@JacksonCrawford>Jackson Crawford: https://www.youtube.com/watch?v=tb6Se6M1lqI . Circum le anno 1000 le linguas (vetule anglese e vetule nordic, Old English and Old Norse) esseva ancora tan similar que on debera haber potite comprender se, cata un parlante su proprie lingua. == *) Le dictionario de Sexton & Gopsill traduce le parola anglese "extant" con "ancora existante", ma illo, io pensa, pote solo esser un error pro 'ancora existente'. Ex le etymologia del parola anglese, https://en.wiktionary.org/wiki/extant https://en.wiktionary.org/wiki/exto#Latin https://en.wiktionary.org/wiki/exsto#Latin io deriva e propone 'exstante', ab le elementos 'ex' e 'star' in interlingua, sin cercar le complete parola in lingua de controlo. -- Ruud Harmsen, http://rudhar.com -- Pro leger le archivos e pro modificar o cancellar le subscription: http://listserv.icors.org/archives/interlng.html