Io me demanda, si alicuno ha tentata a scriber interlingua per medio del alfabeto cyrillic. Le alfabetos latin e cyrillic son naturalmente aliquanto simile, ambes habente lor provenientia in le alfabeto grec. Io pensa, que al minus vinti del vinti-sex litteras latin ha un pendant equivalente o obvie del alfabeto cyrillic. Plure plus litteras latin pote habere litteras cyrillic, le quales pote esser assatis utile, pro complete le total de vinti-sex litteras. Vermente, io pensa, que on poterea scriber satisfactorimente interlingua in litteras cyrillic. Facer assi effectuarea melior disponibilitate al plure gentes slavic, como le russos e le ukraineses. Io crede, que scriber interlingua in ambe alfabetos esserea facile a apprender pro totos e contriburea al diffusion de interlingua. Cata persona utilisarea qualcunque alfabeto esserea le plus facile pro se. Additionalmente, in un stilo o maniera de utilisar interlingua, on poterea usar le articulos grammatic aliquanto in le maniera russe. Il ha necessitate de usar le articulo indefinite nullemente, in mi opinion. Frequentemente on pote omitter le articulo definite sin perdita del signification. Io propone iste questiones como affaires de stilo, non como alterationes del lingua. Un tal stilo poterea facer interlingua plus congenial al slavophones e in isto modo facilitar le diffusion del lingua. Amicalmente, Paul <[log in to unmask]> ---------------------------------------------------------- Paul O. Bartlett, P.O. Box 857, Vienna, VA 22183-0857, USA Finger, keyserver, or WWW for PGP 2.6.2 public key Home Page: http://www.access.digex.net/~pobart