Multe annos retro ego videva le film Out on a Limb de Shirley MacLain. Le prime vice quando ego videva le film, ego habeva bibite un certe quantitatee de slivovitsa (le brandy de pronos) e mi censura mental habeva vadite a pisca. Tote le film me pareva multo interessante. Ego CREDEVA in le experientias extracorporal etc. Vidente le film alcun dies postea illo me appareva trivialissime. In su libro Shirley MacLain narra de un historia amor que illa habeva in Atlantis multe incarnationes retro. Illa, e su amante in nostre dies, era in Atlantis personas de un rango conciderabile e etiam su incarnationes de Atlantis illes era amantes intime. Il ha simile ideas exprimite in multe altere films, e toto isto es multo emotionante, sed evidentemente plus de homines prende isto seriosemente: que il existe extraterrestriales, que il ha plattos volante etc. Alcun debe scriber un libro in re iste mytologia filmic. Multo de ille cosas on categorisa como Nove Etate (New Age) in Svedia... Le question es, esque le films ha disseminate iste ideas o esque le ideas ha essite empleate per le filmeros? Kjell Rehnstroem Vaenortsgatan 87 S - 75264 Uppsala email: [log in to unmask]