Ensjo, Gratias pro le traduction de Ramazzotti. Io ha le CD _Tutte storie_. Io ha studiate italiano, ma ancora io non lo ha apprendite. Ben que io non ha traducite con successo le parolas de Ramazzotti, su musica me place multo. Mi favorito de su cantas es _In Compagnia_. Un'altra te es tu favorito, nonne? Le parolas lo que tu non ha traducite significa _rimasti_, relinquite, e _quindi_, ergo, nonne? In le senso de, e me manca mi oculos que son relinquite la quando io los appoiava (o forsan _ha ponite_) ergo super te ><><><><><><><><><><><><><><><><><><><><><><><><><><><><><>< Omnes, Re le presente progressive, io vole notar que al minus in italiano e in espaniol, pro le presente progressive on non usa _esser_, ma _star_ pro le verbo auxiliari. (espaniol= estoy escuchando, italiano= sto ascoltando, pro interlingua io sta ascoltante) ><><><><><><><><><><><><><><><><><><><><><><><><><><><><><><>< Kjell, Re Klingon, Klingon es un lingua multo interessante. A un vice, io me ha jungite le Klingon Institute, e ha recipite gratuite lectiones postal. Klingon me place, ma su vocabulario non era como sufficiente que serea necessari pro usar lo in vita, e le Institute non vole cunear nove parolas. Le Institute vole usar solmente parolas create per le creator del lingua. Ergo, io lasseva le gruppo. Le grammatica klingon me pare como le grammaticas del linguas del americanos indigine (American Indians). Pro exemple, le verbo se ipse contine le subjecto, le action, e le objecto. Le parola lo que tu ha scribite _nuqheH_ es klingon pro _salute_ e significa literalmente _Que vole tu?_ Il es interessante. Si tu vole plus information del Klingon, demanda de me. ><><><><><><><><><><><><><><><><><><><><><><><><><><><><><><><><><>< Proque hodie es le equinoctio, io vole dicer BENVENITA al primavera! Amicalmente, Paul-David