~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ [log in to unmask] http://www.cheshire.net/~jjbowks/home.html Home Page ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ Legente le novas super le actiones suicide del membros del culto de OVNIs etiam appellate "Heaven's Gate" io veniva a pensar como es que alcun personas pote opinar como le Interrete, e le Tela, pote devenir diabolic. Le gruppo de 39 personas (21 feminas e 18 homines) comeva un mixtura de phenobarbiturios e vodka. Iste potion toxic deveniva le instrumento de su morte acceptate. Le officiales del policia e investigatores diceva in le television de CNN que alcun del homines alsi habeva essite castrate face alcun tempore jam, e que il non pareva haber necun signos de violentia al cadaveres. Le policia dice que le membros del culto moreva durante tres turnos, un cata die, dece-cinque personas le primer die assistite pro octo alteres, le secunde die dece-cinque plus alsi adjuvate pro octo assistentes e le ultime die le restante nove. Pro que decideva istes personas finalisar su vita in iste maniera? Como es que ille habeva personas que credeva al leader "Do" tanto cecamente? Como era le sentimentos homosexual frustrate del leader responsabile pro le actiones mortal de le membros del gruppo? Pro que non sape alcun del intentiones del gruppo pro abandonar su vita terrestre e le implicationes de isto al suicidio del membros? Iste questiones nunc prega responsas logic... ma il non ha logic in isto, non ha? Le decision de istes personas esseva un acto de fide. Quando le parolas "acto de fide" esseva in uso in le etate medie illes significava le cremation de un persona accusate de actos contra le fide catholic, le Inquisition Espaniol es un exemplo de isto. Il habeva altere inquisitiones como le anglese, que occideva a Joan d'Arc, e le de Calvino que occideva a Servetus. Ma isto non esseva un acto de persecution, como in le caso de Waco, Texas, o de le temor de persecution como in Jonestown. Isto esseva un acto de fide, fide in un historia tanto estranie que si non per le gravitate de su fin il esserea comic. Comic? Si, in un senso troppo tragic e sin humor! Pro que includer le Interrete e le Tela? Proque iste gruppo esseva multo active in le Interrete e faceva su labor lucrative in le Tela facente Paginas pro negocios que voleva esser representate in le Tela. Nunc, le personas que audi iste connexion va dicer alco como, "vide, le Interrete es diabolic!" "Il es le falta de le Tela!". Ma in realitate le falta es in le insanitate de un homosexual frustrate e le povre innocentes que resta su fide in ille. Quanto repugnante le action de iste gruppo es pro le personas que ama le veritate e le vita. Ma quanto acceptabile es isto in nostre societate moderne, ubi le action de un Bombero-Suicida in Tel-Aviv sacrifica su vita in un acto de terrorismo pro le causa del Khamas Palestin. Mi vista personal in toto isto es que le personas que vole sacrificar su vita pro un causa debe esser ben secur in su credentias pro facer un tal acto. Le persona que sacrifica su vita pro su proximo es digne de laudation ma le persona que sacrifica su vita pro le voluntate de un psychopatha face un grave error. Ille es tanto tragic, que le visita celestial de le cometa Hale-Bopp esseva le signo mortal que iste gruppo sperava. Le pensamentos que io hic expressa son sol un exercisio de mi vistas personal, e non un judicamento moral del actiones del suicidatos. Con le puncto de moralitate cata persona ha le responsabilitate de facer su mente re iste occurrentias e que significato habe isto in su vita. Isto decite io no pote restar sin pensar que le actiones de alcun fortiara le pensamentos de alteres a judicar le Interrete e le Tela como cosa sinistre. Si vos ama le veritate, si vos usa le Interrete e le Tela pro objectivos beneficial, explica a alteres que le instrumento non el le culpabile, ma le persona que face de un instrumento util un arma mortifere, ille ha le culpa de facer le damno. Con multo dolor de anima, Jay B.